Yoshua 9:13 - Baibuli Ekibono kya Katonda 2014

¹³ Mu nsambo n'endala, ensawo dhino edh'amawu dhaali mpyaka ghe twadhifukiramu omwenge ogw'emizabbibu, aye buti dhaatulikatulika. Era n'ebivaalo byaife bikuunhwike n'engaito dhaaseenena, olw'olugendo okuba oluleeyi einho.”

Yoshua 9:13 ပူးပေါင်းရင်းမြစ်များ

Matayo 9:17

Era tibata mwenge gwa mizabbibu musu mu nsawo dha luwu nkaire. Bwe bakikola, ensawo dhitulika, omwenge gwafukika era n'ensawo dhaadhagalika. Aye omwenge gw'emizabbibu omusu baguta mu nsawo dha luwu mpyaka, olwo byombi byakuumibwa bukalamu.”

Mariko 2:22

Era ezira afuka mwenge ogw'emizabbibu musu mu nsawo dha luwu nkaire kuba ensawo dhikanuka n'omwenge ogw'emizabbibu gwafukika. Omwenge omusu guli na kufukibwa mu nsawo dha luwu mpyaka.”

Luka 5:37

Era ezira afuka mwenge gwa mizabbibu mu nsawo dha luwu nkaire bw'akikola omwenge ogwo omusu gutulisa ensawo gwafukika, n'ensawo dhaadhagalika.

Amateeka Agokubiri 29:5

Namala emyaka amakumi ana nga mbakulembera mu irungu aye ebivaalo byaimwe tibyabakanukaku naire, oba engaito dhaimwe okubakutukaku.

Yoshua 9:12

Mubone emere yaife eno, yali nsu bukalamu ghe twagisibira nga tuva eka okwidha okubabona aye buti yakala era yaagema obukuku.

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.

Yoshua 9:4

Kale beene baasalagho okumuguya. Baafunayo emere baagita mu ndyanga enkaire einho, baagitwika endogoyi dhaibwe ghalala n'ensawo enkaire edh'amawu edh'omwenge ogw'emizabbibu dhe baagheraghera ni dhiidula ebighero.

Yoshua 9:5

Baavaala mu bigere engaito edhaaseenena era nga baadhigheraghera, era baavaala n'ebivaalo ebikuunhuufu. Emere ye baasiba ng'entanda yali yakala ira era nga yamera obukuku.