Yoshua 9:10 - Baibuli Ekibono kya Katonda 2014

¹⁰ Twawulira bye yakola bakyabazinga ababiri Abamori abaali e buvandhuba ewa Yorudani: Sihoni eyali kyabazinga wa Heshiboni, ni Ogi eyali kyabazinga wa Bashani eyabanga mu kibuga Ashitarothi.

Yoshua 9:10 ပူးပေါင်းရင်းမြစ်များ

Amainhama 14:5

Mu mwaka ogweikumi n'ena Kedorilaomeri ni bakyabazinga abaali ku luuyi lwe, baidha n'amagye gaibwe baaghangulira Abarefa mu Ashiterothi Karanaimu, n'Abazuzi mu Hamu, n'Ababemi mu Shave Kiriathaimu,

1 Ebyomubyanda 6:71

Ab'oku nda ya Gereshomu baabagha ebibuga bino nga babitoola ku kiketezo ekyagheebwa ekitundu eky'ekika kya Manasse: Golani eky'omu Bashani, ghalala n'ebyayiro byakyo ni Ashitarothi, ghalala n'ebyayiro byakyo.

Okubala 20:14

Musa ng'ali e Kadeshi, yaagheereza kyabazinga owa Edomu abakwenda okumukoba bati: “Baganda bo Abaisiraeli bali kukukoba bati, oidhi bukalamu ebizibu ebyatutuukaku.

Amateeka Agokubiri 1:4

Ebyo byabaagho ng'amaze okughangula kyabazinga Sihoni ow'Abamori eyafugiranga mu Heshiboni, ni kyabazinga Ogi ow'e Bashani eyafugiranga mu Ashitarothi ni mu Edurei.

Amateeka Agokubiri 2:30

“Aye kyabazinga w'e Heshiboni, ayetebwa Sihoni, yaaloba kutuganha kubita mu nsi ye, kuba Musengwa Katonda waimwe yamukalangusa omwoyo. Yaamuleetera okudheema, olwo tughange okumughangula, n'okutwala ensi ye, mwe tukaali ni mpegaano.

Yoshua 12:4

Kyabazinga owokubiri ye baaghangula nga bamweta Ogi kyabazinga owe Bashani. Yafugiranga mu bibuga bibiri, eky'e Ashitarothi n'eky'Ederei, era n'eyasembayo mu lulyo olw'abantu abawaigufu abaayetebwanga Abarefa.

Yoshua 13:31

Era kyatwalizaamu ekitundu ku Gileadi, era kyatwalizaamu ebibuga bino: Ashitarothi ni Edurei ebibuga bino kyabazinga Ogi owa Bashani mwe yafugiranga. Bino byonabyona byagheebwa edhindi ku nda edha baidhukulu ba Makiri mutabane wa Manasse.

Yoshua 2:10

Kuba twawulira nga Musengwa Katonda yakaliiza Enhandha Emyufu bwe mwagituukaku nga muva e Misiri. Era twawulira bye mwakola bakyabazinga Abamori abaali e buvandhuba ew'omwiga Yorudani: Sihoni ni Ogi be mwazikiriza.

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.

Yoshua 9:11

Abakulira ebikunsu byaife era n'abantu abandi ab'ensi yaife boonaboona, baatukoba tusibe entanda twetegekere olugendo luno, era twidhe tubabone. Batutumye tubakobere tuti tuli beetegefu okuba abagheereza baimwe, era tubasabe mukole n'ife endagaano.

Yoshua 9:9

Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.