Yoshua 8:35 - Baibuli Ekibono kya Katonda 2014

³⁵ Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.

Yoshua 8:35 ပူးပေါင်းရင်းမြစ်များ

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Nehemia 8:2

Kale ku lunaku olusooka olw'omwezi ogwomusanvu, Ezera kabona yaaleeta Ekitabo ekyo mu kifo abantu boonaboona, abasaadha, abakazi, n'abantu abandi boonaboona abaali nga basobola okutegeera, ghe baali nga beesololeiza.

Nehemia 8:3

Yaakibasomera boonaboona okuva ku nkyo okutuusa mu kasana ghagati, ng'alingiriire y'oluya oluli emberi gh'Omulyango ogw'Amaadhi. Era boonaboona baatega amatu okuwulirisa ebiva mu Kitabo ekyo eky'Amateeka.

Okuvaayo 12:38

Olukunkumuli olw'abantu abandi abatali Baisiraeli lwabeeyimbaku baaja nabo. Baaja n'entaama n'embuzi n'ente, n'endogoyi, nga byonabyona biri mu bungi.

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Yoeli 2:16

Musololeze ghalala abantu, beetukuze nga beetegekera okusinza. Mwete abantu abakulu, n'abaana abato, era n'abayonka. N'abagole abaakafumbiraganwa, boona bave mu bisenge byaibwe baidhe.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Mariko 10:14

Yesu olwakibona, yaasungughala, yaabakoba ati: “Muleke abaana abato baidhe ye ndi, mutabalobera kuba abali ng'abo n'ababa mu Bwakyabazinga bwa Katonda.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.

Amateeka Agokubiri 29:10

“Olwaleero mwemereire mu maiso ga Musengwa Katonda waimwe mwenamwena: abakulu ab'ebika, n'abakulembeze, n'abakungu, n'abasaadha,

Amateeka Agokubiri 29:11

n'abakazi, n'abaana abato, n'abasenze ababa mu imwe ababaasaagira enku ni babajiira n'amaadhi.

Amateeka Agokubiri 29:9

Kale ni mukuumenga n'obwegendereza ebibono ebiri mu ndagaano eno era mubituukirizenga. Olwo musobole okubanga n'enkabi mu byonabyona bye mukola.

Amateeka Agokubiri 31:12

Mwidha kusolozanga abantu boonaboona, abasaadha, n'abakazi, n'abaana abato, n'abasenze ababa mu bibuga byaimwe, bawulirenga era beegenga okutya Musengwa Katonda waimwe. Era beegenderezenga nga bagema Amateeka gano goonagoona n'okugatuukiriza.

Amateeka Agokubiri 4:2

Mutayongeranga kintu kyonakyona ku bye ndi kubalagira, waire okubikendeezaaku. Mugemenga ebiragiro bya Musengwa Katonda waimwe bye ndi kubagha.