Yoshua 8:21 - Baibuli Ekibono kya Katonda 2014

²¹ Yoshua n'abasaadha be, bwe baabona nga banaibwe bagemye ekibuga era nga bakikunaaniizaaku n'omuliro, baatoolera okwita abasaadha ab'e Ayi.

Yoshua 8:21 ပူးပေါင်းရင်းမြစ်များ

2 Samueli 10:9

Yoabu bwe yabona ng'abazigu baidha kumulumba nga bamuva emberi n'emugongo, yaalonda mu balwani ba Isiraeli abasaadha abasinga kulwana, baasimba enhiriri nga boolekeire Abasiria.

Yoshua 10:1

Agho Adonizedeki eyali kyabazinga wa Yerusalemu yaawulira nga Yoshua yagema ekibuga Ayi, yaakizikiriza kyonakyona ni kyabazinga waamu. Era yaawulira nga yakola Yeriko ni kyabazinga waamu ekintu n'ekirala ekyo. Era yaayongera okuwulira ng'abantu ab'e Gibeoni baakola endagaano n'Abaisiraeli, era nga baba nabo ghalala. Bwe yawulira ebintu ebyo yaatya inho ebitaloodheka.

Yoshua 8:20

Abasaadha ab'e Ayi baaja okulingaku einhuma, nga babona omwosi ogw'ekibuga kyaibwe ekiri kuya guli mu bire ng'ate bazira na gha kulumukira. Kuba Abaisiraeli abaali bali kulumuka nga boolekeire eirungu, baakyuka baatoolera okulumuka nga baidha ye bali okubalumba.

Yoshua 8:22

Bale abaagema ekibuga boona bwe baamala, baidha okulumba ab'e Ayi. Kale ab'e Ayi baaba nga bali ghagati gh'ebikunsu byombi eby'Abaisiraeli. Abaisiraeli baita ab'e Ayi ghaabula asigala nga mulamu oba abalumukaku