Yoshua 8:19 - Baibuli Ekibono kya Katonda 2014

¹⁹ era olwagalula omukono n'eifumo eryamuli mu ngalo ati, abasaadha abaali babwaime nga beeteeze, baziinhuukayo, bangira mu kibuga baakigema. Era mu kiseera kyene ekyo baakikumaku omuliro.

Yoshua 8:19 ပူးပေါင်းရင်းမြစ်များ

Yoshua 8:18

Agho Musengwa Katonda yaakoba Yoshua ati: “Lingiriza eifumo lyo ekibuga ekyo Ayi, kuba ndidha kukikugha.” Yoshua yaakola nga bwe baamukoba,

Yoshua 8:2

Kye mwakola Yeriko ni kyabazinga waakyo, kye mube mukole ekibuga Ayi ni kyabazinga waakyo. Aye ku luno musobola okutwala kye munaaba munhaze, ng'ebintu n'ensolo. Mubazinduukirize mubagweku nga mubava inhuma.”

Yoshua 8:20

Abasaadha ab'e Ayi baaja okulingaku einhuma, nga babona omwosi ogw'ekibuga kyaibwe ekiri kuya guli mu bire ng'ate bazira na gha kulumukira. Kuba Abaisiraeli abaali bali kulumuka nga boolekeire eirungu, baakyuka baatoolera okulumuka nga baidha ye bali okubalumba.

Abalamuzi 20:33

Kale Abaisiraeli boonaboona baasituka baava mu kifo kye baalimu, baaja beeteega mu nhiriri e Baalitamari. Olwo n'Abaisiraeli abaali babwaime nga beeteeze, baaziinhuuka mu kifo kye baalimu e bugwandhuba wa Gibea.

Abalamuzi 20:37

Abalwani abo abaabwama baaziinhuuka embiro, baalumba Gibea, baita abaakirimu boonaboona.