Yoshua 8:1 - Baibuli Ekibono kya Katonda 2014

¹ Musengwa Katonda yaakoba Yoshua ati: “Lekera agho okutya n'okuwaamu amaani. Situkiramu n'abasaadha bo abalwani boonaboona, muje mulumbe Ayi. Kuba bona eno, mmaze okukuta mu ngalo kyabazinga wa Ayi n'abantu be, n'ekibuga, n'ensi ye.

Yoshua 8:1 ပူးပေါင်းရင်းမြစ်များ

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Yeremia 46:27

“Aye imwe abantu bange Abaisiraeli, mutatya, waire okweraliikirira. Mubone eno, nze ndibanunula naabatoola mu nsi eyo ey'eghala, ensi ye muli ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Matayo 8:26

Yesu yaabakoba ati: “Lwaki mutiire, imwe ab'okwikiriza okutono!” Yaasituka, yaakaabukira kiwunga n'enhandha, era kyaba mulaala inho.

Amateeka Agokubiri 1:21

Eyo n'ensi Musengwa Katonda waimwe y'abooleike. Muje mugitwale nga Musengwa Katonda oyo, Katonda wa badhaadha baimwe bw'abakobye, aghazira kutyamu naire.’

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”

Amateeka Agokubiri 7:18

Aye mutabatyanga. Mwidhukirenga Musengwa Katonda waimwe kye yakola kyabazinga w'e Misiri, ni ku bantu b'e Misiri boonaboona.

Amateeka Agokubiri 7:21

Kale ni mutabatyanga, kuba Musengwa Katonda waimwe aba mu imwe, era oyo n'omukologho ali n'okutiibwa.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 10:7

Kale Yoshua n'eigye lye lyonalyona, nga n'omuli n'abasaadha abaali abalwani abalungi einho, baatoolera olugendo nga bava e Giligali.

Yoshua 10:8

Musengwa Katonda yaakoba Yoshua ati: “Otatya bakyabazinga abo, kuba mmaze okubakuta mu ngalo. Ghazira muntu anaaghanga kukulwanisa ng'akuboineku.”

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 6:2

Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.

Yoshua 7:9

kuba Abakanaani n'abantu abandi boonaboona abali mu nsi eno baja kukiwulira, batuzingize batwite twenatwena. Olwo Musengwa Katonda olikola ki, eriina lyo eikologho okusigaza ekitiisa?”