Yoshua 7:26 - Baibuli Ekibono kya Katonda 2014

²⁶ Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.

Yoshua 7:26 ပူးပေါင်းရင်းမြစ်များ

2 Samueli 18:17

Baatoola Abusalomu baamusuula mu gwina oguleeyi ogwali mu kibira omwo, baamubungaku emungo ey'amabaale enkologho. Abaisiraeli baalumuka buli muntu yaaja ewuwe.

2 Samueli 21:14

Kale baaziika amagumba ga Saulo n'aga mutabane we Yonathani mu magombe ga Kishi lata wa Saulo oyo e Zela mu kiketezo kya Benjamini. Era baakola byonabyona kyabazinga Daudi bye yalagira. Ebyo bwe byawa, Katonda yaabagha bye baasabira ensi yaibwe.

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

Ezera 10:14

Leka abakulembeze baife babeegho mu liina lyaife twenatwena abeesoloiza. Olwo ab'omu bibuga byaife boonaboona abaabayiza abakazi abamaghanga agandi, baidhe mu kiseera ekiragaane nga bali ghalala n'abakulembeze n'abalamuzi okuva mu buli kibuga. Mu nsambo eyo ekiruyi ekitaloodheka Katonda waife ky'ali nakyo ku ife ku nsonga eyo, kiidha kutuvaaku.”

Zabbuli 85:4

Wo Katonda iwe omulokozi waife, iramu okutugonza olekere agho okutusungughalira.

Okuvaayo 32:12

Abamisiri baidha kukoba bati watoola abantu bo mu Misiri, ng'oli n'ekigendererwa ekibi, era ng'ekigendererwa ekyo kya ku baitira mu biketezo bino eby'ensozi, n'okubazikiriza baweere irala ku nsi. Nkusaba okyuse obusungu bwo obukambwe, oleke kukola bantu bo ekyo ky'otegeike okubakola.

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 65:10

Balinsinzizanga e Sharoni era baatwalanga ebyayo byaibwe, baabyayira mu biketezo eby'e Sharoni eyo, ate byawuumuliranga mu kyetebwa Ekiiko eky'Ebizibu.

Okulira 3:53

Bansuula mu kiina nga ndi mulamu, baamala baakitaaku n'eibaale.

Hosea 2:15

Eyo ye ndimugheera amasamba ge ag'emizabbibu. Era ekyetebwa Ekiiko eky'Ebizibu ndikifuula omulyango ogwingira mu kusuubira. Era ng'ali eyo aliiramu okumpulira, nga bwe yampuliranga mu buto bwe mu kiseera kye yaviiramu e Misiri.

Hosea 2:17

kuba tirimuganha kwiramu kabiri kwatula liina eryo.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Yoeli 2:18

Agho Musengwa Katonda yaalumirwa ensi ye, era yaasaasira abantu be.

Yona 1:15

Agho batoola Yona baamusuula mu nhandha, enhandha yaalaala.

Zekaria 6:8

Agho malaika yaakaabuka yankoba ati: “Bona eno, embalaasi edhijiire ku luuyi olw'omukono omugooda olw'e buvandhuba dhireeteire obusungu bwa Musengwa Katonda okuwoleera.”

Okubala 25:8

yaanonereza omusaadha oyo Omuisiraeli n'omukazi oyo Omumidia. Yaabaagaana mu kisenge, yaabafumita eifumo lyababitamu bombi. Agho ekibamba Musengwa kye yali asindikiire Abaisiraeli kyalekera agho okubaita.

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Amateeka Agokubiri 13:18

Aye muli n'okumuwuliranga, nga mukuuma ebiragiro bye byonabyona, bye ndi kubagha olwaleero, era nga mukola ebyo Musengwa Katonda waimwe by'abona nga n'ebituufu.”

Yoshua 10:27

Endhuba bweyali ng'eri kumpi kugwa, Yoshua yaalagira baaghanulayo emirambo egyo, baagisuula mu mpuku yeene eyo mwe baali beegisiisa. Baatoola agabaale agakologho baasemba omunwa ogw'empuku eyo ni ye buli eno.

Yoshua 7:24

Yoshua n'Abaisiraeli abandi boonaboona baagema Akyani, ni feeza, n'ekivaalo, n'ekitundu kya zaabu era okwo kwe baateera ni batabane ba Akyani ni baghala be, n'ente, n'endogoyi, n'entaama, ni weema ye, na kiisi kintu kyonakyona ekikye. Baabatwala mu kyetebwa Ekiiko eky'Ebizibu.

Yoshua 8:29

Era yaaghanika kyabazinga ow'e Ayi ku muti, yaalengeedhera okwo yaafa. Omulambo gwe baaguleka ku muti okwo okutuusa olw'eigulo. Endhuba bweyali ng'eri kumpi kugwa Yoshua yaalagira, baatoola omulambo ogwo ku muti, baagusuula aghaalinga omulyango ogwangiranga mu kibuga. Bwe baamala, baagubungaku emungo ey'amabaale enkologho ekaaligho ni ye buli eno.