Yoshua 7:25 - Baibuli Ekibono kya Katonda 2014

²⁵ Bwe baatuuka eyo Yoshua yaakoba Akyani ati: “Lwaki watuleetaku obuzibu obwaga agho? Leka buti weena Musengwa Katonda akuleeteku obuzibu!” Agho abantu boonaboona baakuba Akyani amabaale yaafa. N'ab'omu maka ge boona baabakuba amabaale baafa, era baabookya n'ebyaibwe byonabyona.

Yoshua 7:25 ပူးပေါင်းရင်းမြစ်များ

Amainhama 34:30

Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

Amainhama 38:24

Bwe ghaabitagho emyezi ng'esatu, baakobera Yuda bati: “Tamari mukaamwana wo yakola obwamalaaya, era mpegaano ali nda.” Yuda yaakoba ati: “Mumufulumye mumwokye afe.”

1 Ebyomubyanda 2:7

Karumi yaazaala Akari eyaleetera Abaisiraeli obuzibu, olw'okwonoona ebintu ebyali bigheereibwayo okuba ebya Katonda.

Ensambo 1:19

Ebyo n'ebituuka ku abo boonaboona abafuna obukombe mu kunhaga; mu bukombe bwene obwo n'omuva ekibaita.

Ensambo 15:27

Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Abalevi 20:14

Omusaadha bw'anaabayizanga omukazi n'inhina w'omukazi oyo, ekyo kinaabanga kiive. Abasatu abo banaayokebwanga omuliro baafa. Era mutaganhanga kibi ng'oti n'ekyo okuba mu imwe.

Abalevi 20:2

akobere Abaisiraeli ati: “Bweghanaabangagho Omuisiraeli oba omusenze yeenayeena eyasenga mu Isiraeli, aghaayo ku baana be okukozesebwa mu kusinza omusambwa Moleki, abantu boonaboona banaamukubanga amabaale yaafa.

Abalevi 21:9

Era mughala wa kabona bw'aneeyonoonanga ng'akola obwamalaaya, anaabanga aswaziiza ise. Anaayokebwanga omuliro yaafa.

Abalevi 24:14

“Oyo omusaadha eyakoliime, mumutwale mu kifo aghazira weema dha bantu. Era abo boonaboona abaamuwuliire, bate emikono gyaibwe ku mutwe gwe, okukakasa nti yakoliime, memale olwo abantu boonaboona bamukube amabaale afe.

Ab'e Galatia 5:12

Abantu abo ababatabula, kye mbendeza kweketeraku irala!

Amateeka Agokubiri 13:10

Oidha kumukubanga amabaale afe, kuba yagezaaku okukusendasenda ove ku Musengwa Katonda wo, eyakutoola mu Misiri, ye mwakolanga obwiru.

Amateeka Agokubiri 13:11

Agho Abaisiraeli boonaboona bwe banaawuliranga ekibairegho, baidha kutyanga. Olwo ghalobe kubaagho muntu wundi mu imwe airayo kukola kibi kyaga agho.

Amateeka Agokubiri 17:5

omusaadha oyo oba omukazi oyo akoze ekibi ekyo, munaamufulumyanga ku luya kw'ekibuga kyaimwe, mwamukuba amabaale yaafa.

Amateeka Agokubiri 21:21

Agho abasaadha boonaboona ab'omu kibuga ekyo, baidha kumukubanga amabaale bamwite. Mu nsambo eyo munaabanga nga mwetoiremu ekibi ekyo. Agho Abaisiraeli boonaboona bwe banaawuliranga ekibairegho, baidha kutyanga.”

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

Yoshua 6:18

Ghatabaagho ku imwe atwala kintu kyonakyona ku ebyo ebiri n'okuzikirizibwa bwe ghanaabaagho anaakikola anaaba aleese obuzibu n'okuzikirira mu ife.

Yoshua 7:15

Ndidha kwoleka omuntu ali n'ebintu ebyo ebyali biri n'okuzikirizibwa. Omuntu oyo mwidha kumwokya n'ab'omu maka ge boonaboona, na kiisi kintu kyayeta ati kikye, kuba yakola bubi inho okudheemera ekiragiro kyange era n'okuswaza Isiraeli obwaga agho.”

1 Samueli 14:29

Yonathani yairamu ati: “Lata wange aleeteire abantu kudaagadaaga budaagedaage. Bona nze bwe ndhizeemu amaani olw'okulyaku obw'akatono ku mudheenene guno.