Yoshua 7:19 - Baibuli Ekibono kya Katonda 2014

¹⁹ Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”

Yoshua 7:19 ပူးပေါင်းရင်းမြစ်များ

2 Bakyabazinga 20:15

Era Isaia yaabuuza ati: “Baboine ki mu kisaagaati kyo eky'obwakyabazinga?” Hezekia yairamu ati: “Baboine ebiri mu kisaagaati kyange eky'obwakyabazinga byonabyona, ghazira kintu kiri mu materekero gange kya ntabalaze.”

2 Ebyomubyanda 30:22

Hezekia yaasiima Abalevi abaayoleka obukugu mu kugheereza Musengwa Katonda. Yaayogera nabo ng'abaizaamu amaani. Kale abantu baamala enaku musanvu nga bali kulya ebyali ku kibinuko. Baaghaayo emisengo egy'okutabagana n'egy'okwebaza eri Musengwa Katonda, Katonda wa badhaadha baibwe.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Zabbuli 51:3

Ndidhi okusobya kwange era ndidhukira ebibi byange buli kiseera.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Isaia 13:12

Abo abaliwonagho ndibafuula ba mughendo okusinga zaabu omukenenule; bwenebwene baliba ba ibula okusinga ni zaabu omulungi ow'e Ofiri.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Luka 17:18

Tighabaire aira kugha Katonda kitiisa okutoolaku ono ow'eighanga erindi?”

Yoanne 9:24

Kabiri baayeta omusaadha eyabanga omutulu baamukoba bati: “Mu ga Katonda yogera ekituufu twidhi ng'omusaadha oyo mukozi wa bibi!”

Ab'e Roma 10:10

Kuba omuntu aikiriza na mwoyo gwe okugheebwa obutuukirivu, era ayatula na munwa gwe okulokoka.

2 Timotheo 2:25

era agalagira abamutakania aghazira ikabyo, kuba tomanha Katonda bw'abagha kwenenia ni beiraku ni bamanha mazima.

Tito 2:2

Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Yakobo 1:20

kuba obusungu obw'omuntu tibuleetagho butuufu bwa Katonda.

Yoshua 7:20

Akyani yairamu ati: “Mu butuufu bwene nakola ekibi eri Musengwa Katonda wa Isiraeli era biti bwe byali:

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.

1 Samueli 14:43

Agho Saulo yaakoba Yonathani ati: “Nkobera kye wakoze.” Yonathani yairamu ati: “Nakombye ku mudheenene gw'endhuki, gwe natooziizaayo omwigo ogwambaire mu ngalo. Ndhikiriiza, ndidha kufa.”

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.