Yoshua 7:16 - Baibuli Ekibono kya Katonda 2014

¹⁶ Enkyo einho ku lunaku olwairirira, Yoshua yaayeta Abaisiraeli boonaboona ghalala. Yaayeta ebika, nga buli kika kiidha lwakyo emberi. Ekika ekya Yuda kyalondebwamu.

Yoshua 7:16 ပူးပေါင်းရင်းမြစ်များ

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

Zabbuli 119:60

Nze nsitukiramu busitukire, naayangugha okukola ng'ebiragiro byo bwe binkoba.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Yoshua 3:1

Enkeera Yoshua n'Abaisiraeli boonaboona, baawuuna baava e Shittimu ghe baali basimbye weema dhaibwe, baaja baagumba ku mwiga Yorudani nga bateegerera okusomoka.

Yoshua 7:15

Ndidha kwoleka omuntu ali n'ebintu ebyo ebyali biri n'okuzikirizibwa. Omuntu oyo mwidha kumwokya n'ab'omu maka ge boonaboona, na kiisi kintu kyayeta ati kikye, kuba yakola bubi inho okudheemera ekiragiro kyange era n'okuswaza Isiraeli obwaga agho.”

Yoshua 7:17

Mu kika ekyo yaayetamu enda edhirimu, nga buli ndala eidha lwayo emberi. Enda ya Zera yaalondebwamu. Mu nda ya Zera, yaayetamu endhu edhirimu, nga buli ndhu eidha lwayo emberi. Endhu ya Zabudi yaalondebwamu.

Abalamuzi 20:19

Kale ku lunaku olwairirira, Abaisiraeli baawuuna ku nkyo, baazingiza ekibuga Gibea okukyezunguluza.