Yoshua 7:13 - Baibuli Ekibono kya Katonda 2014

¹³ Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

Yoshua 7:13 ပူးပေါင်းရင်းမြစ်များ

Amainhama 34:27

Batabane ba Yakobo abandi bwe baayagaana ng'abasaadha baitiibwa, baanhaga eby'omu kibuga nga beesasuuza olwa mwanhinaibwe ye baasobyaku.

2 Ebyomubyanda 28:10

Ate imwe buti muli kwenda kufuula abantu b'omu Buyudaaya n'ab'omu Yerusalemu, abasaadha n'abakazi, babe bairu baimwe. Aye obwo imwe muzirakuuku bibi byaimwe, bye mwakola ni musungughaza Musengwa Katonda waimwe?

Matayo 7:5

Mukuusa iwe, sooka otoole ekisiki mu liiso eriryo, memale obone bukalamu akakaba akali mu liiso lya muganda wo n'okukatoolamu.

Amateeka Agokubiri 13:6

“Ni bw'aba muganda wo mwene, oba mutabane wo, oba mughala wo, oba mukazi wo y'oyenda einho, oba mukagwa wo einho, yeena asobola okukusendasenda mu kyama ng'akukoba muje naye musinze bakatonda iwe ni badhaadha bo be mutasinzangaku.

Yoshua 3:5

Yoshua yaakoba abantu ati: “Mwetegeke, mwetukuze, kuba enkyo Musengwa Katonda aja kukola ekyewuunhio ekikologho nga tubona.”

Yoshua 6:18

Ghatabaagho ku imwe atwala kintu kyonakyona ku ebyo ebiri n'okuzikirizibwa bwe ghanaabaagho anaakikola anaaba aleese obuzibu n'okuzikirira mu ife.

Yoshua 7:11

Abaisiraeli n'abaakola ekibi, baadheemera ekiragiro kye na balagira, baatwala ku bintu ebyali biri n'okuzikirizibwa. Baabiiba, baaguya bati byaibwe, era baabita ghalala n'ebyaibwe.