Yoshua 6:4 - Baibuli Ekibono kya Katonda 2014

⁴ Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

Yoshua 6:4 ပူးပေါင်းရင်းမြစ်များ

Amainhama 2:3

Yaagha olunaku olwo olwomusanvu enkabi era yaalutukuza. Kuba olwo lwe yawuumuliraku emirimo gye gyonagyona egy'okutonda.

1 Bakyabazinga 18:43

Yaakoba omugheereza we ati: “Ja ghaigulu olinge ku luuyi olw'enhandha.” Omugheereza yaaja ghaigulu yaalingayo. Yaakoba ati: “Ezirayo kintu.” Eliya yaamukoba ati: “Irayo emikuzi musanvu.”

2 Bakyabazinga 5:10

Elisha yaamutumira omukwenda okumukoba ati: “Ja onaabe emikuzi musanvu mu mwiga Yorudani, oidha kuwona obe mulongoofu.”

2 Bakyabazinga 5:14

Agho Naamani yaaserengeta, yaaja yeinhika mu mwiga Yorudani emikuzi musanvu, ng'Elisha omuntu wa Katonda bwe yamukoba. Era omubiri gwe gwaira buto ng'oti gwa mwana muto, yaaba mulongoofu.

2 Ebyomubyanda 13:12

Bona eno, Katonda mwene n'omuduumizi waife. Ni bakabona be, bali ghano nga bagemye amagwala ag'okufuuyira abaja okulwanisa imwe. Kale ni Abaisiraeli imwe, mutalwanisa Musengwa Katonda, Katonda wa badhaadha baimwe, kuba timwidha kughangula naire.”

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

2 Ebyomubyanda 20:19

Abalevi abasimuka mu Kohathi ni mu Kora, baayemerera, baasaaka Musengwa Katonda, Katonda wa Isiraeli mu mamiro ag'amaani einho.

2 Ebyomubyanda 20:21

Bwe yamala okwebuuzaaku ku bantu, yaataagho ab'okwembera Musengwa Katonda okumusaaka, nga bavaire ebivaalo eby'emikolo emitukuvu. Abo baakulemberamu eigye, baaja nga bemba bati: “Musaake Musengwa Katonda, kuba okugonza kwe tikukoma, kubaagho byanda na byanda.”

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Abalevi 14:16

yainhika olwala lwe olw'oku mukono omusaadha mu muzigo ogwo oguli mu ngalo dhe edh'oku mugooda, yaagumansira emikuzi musanvu agho mu maiso ga Musengwa Katonda.

Abalevi 4:6

Anainhikanga olwala mu musaayi ogwo, yaagutoonhia emikuzi musanvu emberi gh'olutimbe olutukuvu.

Zekaria 4:2

Yambuuza ati: “Kiki ky'oli kubona?” Naamwiramu nti: “Ndi kubona ekikondo eky'entaala ekyakolebwa mu zaabu, nga ku ngulu kwakyo kuliku akadoome akabaamu amafuta. Ku kikondo ekyo kuliku entaala musanvu, nga buli ntaala eriku entambi musanvu musanvu.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 23:1

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

Yoshua 6:13

baatoolera okutambula mu bikunsu byaibwe nga bwe yakoba biiraganeku. Ekikunsu eky'abasaadha nga bagemye eby'okulwanisa kyakulemberamu, bakabona omusanvu abaajanga nga bafuuwa endeka edhaakolebwa mu mayiga ag'entaama bairirira, era nga bafuuwa nga tibasirisaamu. Okwo kwairaku bakabona abaabbeeda Esanduuku y'Endagaano. Olwo ekikunsu ekindi eky'abasaadha nga bagemye eby'okulwanisa kyakoobera.

Yoshua 6:3

Iwe n'abasaadha bo boonaboona abasobola okulwana mwidha kukyezungululanga omukuzi mulala buli lunaku, okumala enaku mukaaga.

Yoshua 6:5

Agho bakabona abo balifuuwayo endeka omukuzi mulala nga muleeyiriri, era bwe muliguwulira abasaadha bo boonaboona balireekaanira ghaigulu omukuzi mulala. Olwo ebimante ebyezungulwire ekibuga byagwa byonabyona ku itaka. Olwo abasaadha bo bangira mu kibuga okuva buli muntu gh'aliba ng'ali.”

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.

Okwolekebwa 1:4

Ninze Yoanne nga mpandiikira Ebikunsu eby'Abaikiriza mu Kurisito omusanvu ebiri mu Asia. Katonda oyo aligho, eyaligho era aliidha, abaghe enkabi n'emiraala. Era n'emyoyo omusanvu egiba agho gha mberi gh'ekityamo kye gikole gityo.

Okwolekebwa 10:3

Yaayeta n'amaani mu mamiro agali ng'oti ga mpologoma eri kuwologoma. Bwe yamala okweta atyo, enkuba omusanvu dhaatyabuka.

Okwolekebwa 15:1

Kabiri naabona ekirikoliko ekindi mu igulu, nga kikologho era nga kyewuunhisa. Ghaaligho bamalaika musanvu nga bali n'ebibamba musanvu nga n'ebisembayo, kuba ng'ebyo n'ebimaliriza obusungu bwa Katonda.

Okwolekebwa 15:7

Agho ekindi ku bitonde ebiramu ebina (4) kyagha bamalaika omusanvu ebibya musanvu ebya zaabu, ebiidhwire obusungu bwa Katonda omulamu ebyanda n'ebyanda.

Okwolekebwa 16:1

Agho naawulira amamiro ag'amaani nga gava mu isinzizo, gaakoba bamalaika omusanvu gati: “Muje muyughe ku nsi ebibya omusanvu eby'obusungu bwa Katonda.”

Okwolekebwa 5:1

Naabona enzingo y'ekitabo mu mukono omusaadha ogw'oyo atyaime ku kityamo eky'obwakyabazinga, ng'eghandiikiibwa munda ni ku ngulu era ng'esibiibwaku n'obumanhiso musanvu.

Okwolekebwa 5:6

Agho naabona Entaama Ento ng'eyemereire ghagati aghali ekityamo eky'obwakyabazinga, ng'eboneka ng'eyaitibwaku. Ebitonde ebiramu ebina (4) byali bigyezungulwire aghalala n'abakulembeze. Yali n'amayiga musanvu n'amaiso musanvu, nga n'egyo emyoyo omusanvu egya Katonda egitumibwa mu nsi yoonayoona.

Okwolekebwa 8:2

Agho naabona bamalaika omusanvu abeemerera mu maiso ga Katonda, era baagheebwa amagwala musanvu.

Okwolekebwa 8:6

Agho bamalaika omusanvu abaali n'amagwala omusanvu beetegeka okugafuuwa.