Yoshua 6:27 - Baibuli Ekibono kya Katonda 2014

²⁷ “Kale Musengwa Katonda yaabanga ku luuyi lwa Yoshua mu byonabyona bye yakolanga, era Yoshua oyo yaamanhikana mu nsi yoonayoona.”

Yoshua 6:27 ပူးပေါင်းရင်းမြစ်များ

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

2 Samueli 7:9

Naabanga ghalala niiwe buli ye wajanga, naasaaniangagho abazigu bo ng'oli kumpi okutuukayo. Era ndidha kukufuula mukologho obe ng'oti n'abantu abakologho ab'oku nsi.

1 Ebyomubyanda 14:17

Daudi oyo yaamanhika mu nsi dhoonadhoona, era Musengwa Katonda yaaleetera amaghanga goonagoona okumutya.

Matayo 14:1

Mu kiseera ekyo, Herode omufuzi wa Galilaaya yaawulira okwatiikirira kwa Yesu,

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 9:1

Bakyabazinga ab'e bugwandhuba obw'omwiga Yorudani baawulira ng'Abaisiraeli bwe baaghangula abazigu baibwe. Bakyabazinga abo, ni bano: ab'omu biketezo eby'ensozi, n'ab'omu biiko, n'ab'omu biketezo ebiri ku mbali okw'Enhandha Eyaghagati ng'oja e Lebanoni. Abantu abaali mu biketezo bino, ni bano: Abahitti, Abamori, Abakanaani, Abaperizzi, Abahivi, n'Abayebusi.

Yoshua 9:3

Aye abantu ab'e Gibeoni, nga Bahivi, baawulira Yoshua kye yakola Yeriko ni Ayi.

Yoshua 9:9

Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.

Abalamuzi 1:19

Era Musengwa Katonda yaababeera, baatwala ekiketezo eky'ensozi. Aye baaloba kughanga kubingamu batyamye ba mu kiketezo kya ku museetwe, kuba abatyamye abo baali n'ebigaali eby'omu lutalo nga byakolebwa mu kyuma ekigumu einho.

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.