Yoshua 6:25 - Baibuli Ekibono kya Katonda 2014

²⁵ Aye Yoshua yaawonia Rahabu, n'ab'endhu ya ise, n'ab'ekika kye abandi boonaboona, baaloba kwitibwa. Ni ye buli eno Rahabu akaali mu Isiraeli kuba yakweka abakwenda Yoshua be yatuma okukeeta Yeriko.

Yoshua 6:25 ပူးပေါင်းရင်းမြစ်များ

Matayo 1:5

Salumoni yazaala Boazi mu Rahabu, Boazi yaazaala Obedi mu Ruthi, Obedi yaazaala Yesse.

Ebikolwa by'Abatume 2:21

Era buli alyeta eriina lya Musengwa alirokolwa.’

Abaheburayi 11:31

Okwikiriza n'okwawonia malaaya Rahabu n'atazikirira n'abo abataikiriza, kuba yasangaalira abakeesi.

Yakobo 2:25

Kityo ti bwe kyali ni ku Rahabu omukazi malaaya? Tiyasiimibwa Katonda lwa bikolwa bye, bwe yaganha okukuuma abakwenda abaatumibwa n'abawonia ng'ababisa mu ngira eyindi?

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 2:18

Era ka tukugalagire ky'olikola: bwe tulingira mu nsi yaimwe, osibanga akawuuzi kano ak'olugoye lw'erangi ya kasaayisaayi mu dinisa eno y'oja okutwikizaamu. Era osololezanga ghano lata wo, n'inhoko, ni baanhoko, n'abantu boonaboona ab'omu ndhu ya lata wo, mwaba ghalala mu ndhu yo.

Yoshua 2:4

Rahabu yaamwiramu ati: “Kituufu ghaligho abasaadha abaidhie ghano, aye timanhie ye baviire. Era baizeeyo agho ng'endhuba eri kugwa, ng'omulyango ogw'ekibuga gukaali kwigalwa. Titegeire ye babaire bali kuja, aye bwe mubalumuukirira musobola okubaagaana mwabagema.” Agho yali amaze okubatwala ghaigulu ku ndhu ye, era ng'abagisiiza mu mmungo edh'obuti dhe yali amaze okutegeka obukalamu. Obuti obwo n'omwavanga wuuzi dhe baalukangamu engoye empegheevu.

Yoshua 4:9

Yoshua era yaaja ghagati mu mwiga Yorudani, mu kifo bakabona ghe baayemerera nga babbeedie Sanduuku y'Endagaano, yaasimbagho amabaale ikumi n'abiri amabaale ago gakaaligho ni ye buli eno.