Yoshua 6:24 - Baibuli Ekibono kya Katonda 2014

²⁴ Bwe baamala okubatoola mu kibuga, baakikumaku omuliro kyaya kyonakyona n'ebyakirimu byonabyona okutoolaku feeza, ni zaabu, n'ebintu ebyakolebwa mu kikomo, ni mu kyuma ekigumu einho, ebyateebwa mu biterekerwa Musengwa Katonda.

Yoshua 6:24 ပူးပေါင်းရင်းမြစ်များ

2 Samueli 10:5

Daudi bwe baamukobera ebibairegho, yaatuma abakwenda y'abagheereza abo, kuba baali bali kuwulira ensoni. Yaabakoba basigale mu kibuga Yeriko okutuusa ng'ebirevu byaibwe bimaze okumera memale baireyo.

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

1 Ebyomubyanda 18:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano: Edomu, Moabu, Ammoni, Filisitia, ni Amaleki.

Okubala 31:10

Baayokya ebibuga eby'Abamidia ni weema dhaibwe.

Amateeka Agokubiri 13:16

Ebintu byonabyona eby'abantu baamu, munaabisolokezanga mu luguudo ghagati gh'ekibuga ekyo. Memale olwo mwayokya ekibuga ekyo n'ebintu byonabyona ebikirimu, byaba ekigheebwayo eri Musengwa Katonda waimwe nga kyokebwa. Ekibuga ekyo kinaasigalanga bifunfugu ebyanda n'ebyanda, era tikiirengamu kuzimbibwa.

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Amateeka Agokubiri 20:16

“Aye bwe munaaghambanga ebibuga ebibiri mu nsi Musengwa Katonda waimwe y'ali kubagha, mutalekangagho kiramu waire ekirala nga kikaagheera.

Yoshua 11:11

Baita abantu boonaboona abaali mu kibuga Hazori, era ekibuga ekyo baakyokya omuliro.

Yoshua 6:19

Ebintu byonabyona ebya feeza, ni zaabu, n'eby'ekikomo, n'eby'ekyuma ekigumu einho, bitukuvu bya Musengwa Katonda. Era bija kuteebwa mu biterekerwa Musengwa Katonda.”

Yoshua 6:25

Aye Yoshua yaawonia Rahabu, n'ab'endhu ya ise, n'ab'ekika kye abandi boonaboona, baaloba kwitibwa. Ni ye buli eno Rahabu akaali mu Isiraeli kuba yakweka abakwenda Yoshua be yatuma okukeeta Yeriko.

Yoshua 8:28

Kale Yoshua yaayokya ekibuga Ayi, yaakireka nga kiri byanhe byereere nga bwekiri ni ye buli eno.

Okwolekebwa 17:16

Ate amayiga g'oboine, balyeyimba n'ekisolo baafuuka bazigu ba malaaya. Baja kumweya bamuleke kidu, bamulye emamba era bamwokere irala omuliro

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”