Yoshua 6:22 - Baibuli Ekibono kya Katonda 2014

²² Agho Yoshua yaakoba abasaadha ababiri abaakeeta Yeriko ati: “Muje mu ndhu ya malaaya mumutooleyo n'abantu be boonaboona nga bwe mwamulayirira.”

Yoshua 6:22 ပူးပေါင်းရင်းမြစ်များ

2 Samueli 21:2

Kale kyabazinga Daudi yaayeta Abagibeoni. Abagibeoni abo tibaali Baisiraeli, aye baali Abamori abaawonagho. Saulo yayenda okwita Abagibeoni abo kuba yalumirwanga inho Abaisiraeli n'ab'omu kika kya Yuda, waire nga Abaisiraeli abo baali bamaze okulayirira Abagibeoni abo obutabaita.

2 Samueli 21:7

Aye kyabazinga Daudi yaawonia Mefiboshethi mutabane wa Yonathani era mwidhukulu wa Saulo, yaaloba kumughaayo, olw'ekirayiro Daudi oyo ni Yonathani oyo mutabane wa Saulo kye baakola mu liina lya Musengwa Katonda.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Ezekieli 17:13

Yaatwala mulala ku balangira, yaakola naye endagaano era yaamulayiza okuba omwesigwa. Yaatwala n'abantu abakologho mu nsi eyo ng'omusingo,

Ezekieli 17:16

“Aye nze Musengwa Katonda ndayira nti nga bwendi omulamu, kyabazinga oyo alifiira mu Babilonia, kuba yamenha endagaano ye yakola ni kyabazinga waayo, ate nga kyabazinga w'e Babilonia oyo n'eyamufuula kyabazinga.

Abaheburayi 11:31

Okwikiriza n'okwawonia malaaya Rahabu n'atazikirira n'abo abataikiriza, kuba yasangaalira abakeesi.

Yoshua 6:17

Era mukizikirize n'ebikirimu byonabyona, kibe ng'ekigheebwayo eri Musengwa Katonda. Okutoolaku Rahabu malaaya, ni boonaboona b'ali nabo mu ndhu ye, abo n'abali n'okulekebwa nga balamu, kuba yakweka mu ndhu ye abakwenda be twatuma.

Yoshua 6:23

Kale baaja baatoolayo Rahabu n'ise, n'inhina, ni baanhina, n'abantu be boonaboona. Baabatoolayo boonaboona baabaleeta kumpi n'Abaisiraeli ghe baasimba weema dhaibwe, bawone akabi.

Yoshua 9:15

Yoshua yaakola nabo endagaano, yaabalayirira obutabaita era n'abakulu ab'ebikunsu mu Isiraeli baakola batyo.

Abalamuzi 1:25

Omusaadha yaabalagirira. Bale baita ab'omu kibuga boonaboona, okutoolaku omusaadha oyo n'ab'omu maka ge.