Yoshua 6:19 - Baibuli Ekibono kya Katonda 2014

¹⁹ Ebintu byonabyona ebya feeza, ni zaabu, n'eby'ekikomo, n'eby'ekyuma ekigumu einho, bitukuvu bya Musengwa Katonda. Era bija kuteebwa mu biterekerwa Musengwa Katonda.”

Yoshua 6:19 ပူးပေါင်းရင်းမြစ်များ

2 Samueli 8:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano:

1 Bakyabazinga 14:26

Yaanhaga eby'obukombe eby'omu isinzizo n'eby'omu kisaagaati kya kyabazinga, byonabyona yaabitwala. Yaatwala n'engabo dhoonadhoona edha zaabu, Solomoni dhe yagheesa.

1 Bakyabazinga 7:51

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Musengwa Katonda.

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

1 Ebyomubyanda 18:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano: Edomu, Moabu, Ammoni, Filisitia, ni Amaleki.

1 Ebyomubyanda 26:20

Abalevi abandi, nga n'omuli ni Ahiya, n'abaakuliranga eiterekero ly'eisinzizo n'amaterekero g'ebintu ebigheereibwayo okuba ebya Musengwa Katonda.

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

1 Ebyomubyanda 26:27

Ku munhago gwe baanhaganga mu ntalo, baatoolangaku ebintu ebindi baabighaayo ng'ebirabo, ebyakozesebwanga mu kulabirira eisinzizo lya Musengwa Katonda.

1 Ebyomubyanda 26:28

Shelomothi oyo ni baganda be, n'abaakuumanga ebintu byonabyona kiisi muntu bye yaghangayo okuba ebya Musengwa Katonda; nga n'omwali n'ebyo Samueli omulanzi, ni kyabazinga Saulo mutabane wa Kishi, ni Abuneri mutabane wa Neri, ni Yoabu mutabane wa Zeruia, bye baaghaayo.

1 Ebyomubyanda 28:12

Yaamugha n'entegeka ey'enzimba y'ebyo byonabyona bye yayenda okuzimbira ku isinzizo eryo: empya dhaaku, n'ebimante ebyezungulwire empya edho, n'amaterekero g'ebintu eby'okukozesanga mu isinzizo, n'ago ag'okutangamu ebintu ebigheereibwayo okuba ebya Musengwa Katonda.

2 Ebyomubyanda 15:18

Yaata mu isinzizo ebintu lata we bye yeeyama okughaayo bibe ebya Musengwa Katonda, era ni mwene bye yeeyama okughaayo, ebya zaabu ni feeza.

2 Ebyomubyanda 31:12

Baingiza omwo n'obwegendereza ebyagheebwayo okuba ebya Musengwa Katonda, n'ekintu ekirala ekirala ku buli bintu eikumi omuntu bye yali nabyo. Baataagho Konania Omulevi okukolanga ogw'okubirabirira, nga Shimei muganda we n'amwiririra.

Nehemia 10:38

Bakabona baidhukulu ba Aaroni baidha kubangagho ng'Abalevi bafuna ekintu ekirala ekirala ku buli bintu eikumi ebyo. Era Abalevi abo baidha kutoolanga ekintu kirala kirala ku buli bintu ikumi ku ebyo bye bafunie, babitwale babite mu iterekero ly'eisinzizo.

Yeremia 38:11

Ebedimeleki yaaja n'abasaadha abo mu iterekero ery'omu kisaagaati kya kyabazinga, yaatoolayo ebigoye ebikaire ebikanufukanufu, yaabinsuulira mu nsulo ng'akozesa emigugha.

Abalevi 19:24

Mu mwaka ogwokuna, ebibala byonabyona bija kumpeebwa, ng'ekigheebwayo ekitukuvu olw'okuneebaza.

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Okubala 31:11

Baatoola ebintu byonabyona bye baanhaga, omwali abantu n'ensolo,

Okubala 31:12

baabitwalira Musa ni Eleazari kabona, n'Abaisiraeli boonaboona abaali beesoloiza mu kifo ghe baasimba weema dhaibwe, e Yeriko mu kiketezo eky'oku museetwe ogw'e Moabu, okuliiraana n'omwiga Yorudani.

Okubala 31:22

Zaabu, feeza, ekyuma eky'ekikomo, ekyuma ekigumu einho, eibaati, ekyuma ekizitogha einho,

Matayo 27:6

Aye Bakabona Abakulu baatoola ebitundu bya feeza ebyo bakoba bati: “Tikiikirizibwa kuta mpiiya dhino mu ndyanga ya isinzizo, kuba mpiiya dha musaayi.”

Mariko 12:41

Agho yaatyama emberi w'ekifo ekiteebwamu ebiwongebwa, yaalingirira abantu boonaboona nga bwe basuulamu empiiya abakombe kamaala nga basuulamu buvangata.

Yoshua 7:11

Abaisiraeli n'abaakola ekibi, baadheemera ekiragiro kye na balagira, baatwala ku bintu ebyali biri n'okuzikirizibwa. Baabiiba, baaguya bati byaibwe, era baabita ghalala n'ebyaibwe.