Yoshua 6:17 - Baibuli Ekibono kya Katonda 2014

¹⁷ Era mukizikirize n'ebikirimu byonabyona, kibe ng'ekigheebwayo eri Musengwa Katonda. Okutoolaku Rahabu malaaya, ni boonaboona b'ali nabo mu ndhu ye, abo n'abali n'okulekebwa nga balamu, kuba yakweka mu ndhu ye abakwenda be twatuma.

Yoshua 6:17 ပူးပေါင်းရင်းမြစ်များ

Amainhama 12:3

“Abo abakusabira enkabi, nnaabaghanga enkabi, aye abo abakukolimira zeena ndidhanga kubakolimira. Era mu iwe amaghanga goonagoona mwe galigheerwa enkabi.”

Ezera 10:8

Era bati anaamala enaku eisatu ng'akaali kwidha, ng'abakungu n'abakulembeze bwe balagiire, ebintu bye byonabyona baja kubimutoolaku, ni mwene yeena bamubinge mu kikunsu eky'abaava mu bunhage.

Isaia 34:6

Empiima ya Musengwa Katonda erisaabaana omusaayi n'amasavu eby'abantu, yaaba ng'oti bw'esaabaana omusaayi n'amasavu eby'entaama ento n'embuzi, edhimugheebwa ng'emisengo. Musengwa Katonda mwene n'alighaayo omusengo ogwo e Bozira, ng'aita abantu kamaala inho mu nsi Edomu.

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Ezekieli 39:17

Musengwa Katonda yankoba ati: “Iwe omuntu, koba enhonhi edha buli nsambo n'ensolo dhoonadhoona edh'omu nsiko, dheesoloze okuva woonawoona dhiidhe ku kibinuko eky'omusengo kye nja okudhitegekera. Kiriba ekibinuko eky'omusengo ekikologho ku nsozi edh'omu Isiraeli. Dhirirya emamba, dhaanhwa n'omusaayi.

Abalevi 27:21

Mu mwaka omutukuvu ogunaiririranga, linaafuukiranga irala lya Musengwa Katonda enaku dhoonadhoona, olwo linaabanga lya bakabona.

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

1 Ab'e Korintho 16:22

Oyo yeenayeena atagonza Musengwa alaamibwe. Musengwa idha!

1 Ab'e Korintho 2:7

Aye mbakobera amagezi ag'ekyama kya Katonda amagise, ge yataagho ng'ensi ekaali kutondebwa olw'okutugheesa ekitiisa.

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Ab'e Galatia 3:12

Aye Amateeka tigeesigama ku kwikiriza, kuba ebyaghandiikibwa era bikoba biti: “Oyo akola ebyo byonabyona bye galagira aliba omulamu olw'Amateeka.”

Amateeka Agokubiri 20:17

Mwidha kusaanizangagho irala abantu boonaboona: Abahitti, n'Abamori, n'Abakanaani, n'Abaperizzi, n'Abahivi, n'Abayebusi, nga Musengwa Katonda waimwe bwe yabalagira.

Abaheburayi 11:31

Okwikiriza n'okwawonia malaaya Rahabu n'atazikirira n'abo abataikiriza, kuba yasangaalira abakeesi.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Yakobo 2:25

Kityo ti bwe kyali ni ku Rahabu omukazi malaaya? Tiyasiimibwa Katonda lwa bikolwa bye, bwe yaganha okukuuma abakwenda abaatumibwa n'abawonia ng'ababisa mu ngira eyindi?

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 2:22

Agho abakeesi baaja mu nsozi, baamalayo enaku isatu okutuusa abasaadha b'omukulu w'ekibuga bwe bairayo mu kibuga, nga babanooniiza mu ngira mwonamwona baaloba kubabona.

Yoshua 7:1

Musengwa Katonda yalagira Abaisiraeli okuzikiriza Yeriko n'ebikirimu byonabyona. Aye omusaadha eyayetebwanga Akyani tiyagondera kiragiro ekyo, yaatwala ku bintu ebyali biri n'okuzikirizibwa. Akyani ono yali mutabane wa Karumi era mwidhukulu wa Zabudi, era mwidhukulu wa Zera ow'ekika kya Yuda. Agho obusungu bwa Musengwa Katonda bwayakira ku Baisiraeli ng'oti muliro.

1 Samueli 15:3

Mpegaano ja oite Abamaleki, era ozikirize ni bye bali nabyo byonabyona. Ghatabaagho y'osaasira, aye baite boonaboona: abasaadha n'abakazi, abaana abato n'abayonka, era oite n'ente, n'entaama, n'engamiya, n'endogoyi.’ ”

1 Samueli 15:6

Saulo yaakoba Abakeni ati: “Imwe muje muve mu Bamaleki, ndobe kubazikiriza ghalala nabo, kuba imwe mwagemerwa Abaisiraeli ekivunika bwe baali bava e Misiri.” Kale Abakeni baaja, baava mu Bamaleki.