Yoshua 6:1 - Baibuli Ekibono kya Katonda 2014

¹ Mu kiseera ekyo emiryango egingira mu kibuga Yeriko baali baagiigala begulugulu okulobera Abaisiraeli okwingira. Ng'ezira muntu afulumamu oba angiramu.

Yoshua 6:1 ပူးပေါင်းရင်းမြစ်များ

2 Samueli 10:5

Daudi bwe baamukobera ebibairegho, yaatuma abakwenda y'abagheereza abo, kuba baali bali kuwulira ensoni. Yaabakoba basigale mu kibuga Yeriko okutuusa ng'ebirevu byaibwe bimaze okumera memale baireyo.

2 Bakyabazinga 17:4

Aye kyabazinga oyo ow'e Assiria yaagwa mu lukwe lwa Hoshea olw'okudheema, nga Hoshea oyo agheereiza abakwenda okusaba kyabazinga So owa Misiri amuyambe, era nga Hoshea oyo alekeire n'okugha kyabazinga w'e Assiria omusolo nga bwe yakolanga buli mwaka. Agho kyabazinga w'e Assiria yaagema Hoshea oyo, yaamusiba mu ikomera.

2 Bakyabazinga 2:4

Agho Eliya yaakoba Elisha ati: “Elisha, nkweghemba osigale ghano, kuba nze Musengwa Katonda antumye e Yeriko.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Yeriko.

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

Yoshua 16:7

Okuva agho, ng'eserengeta yaatuuka e Atarothi n'e Naara, yaagemaku ku Yeriko katono, era yaakoma ku Yorudani.

Yoshua 18:21

Ebibuga ghalala n'ebyalo byaku ebyagheebwa ekika eky'Ababenjamini nga bajiira ku nda dhaibwe byali nga ni bino: Yeriko, Bethi Hogula. Emeki Kezizi,

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 2:7

Kale abasaadha abaava ew'omukulu w'ekibuga baafuluma okuva mu kibuga, era olwafuluma bati omulyango ogw'ekibuga gwaigalwa. Baaja nga baagala abakeesi Abaisiraeli okutuukiza irala mu kifo omwiga Yorudani ghe gusomokerwa.

Yoshua 5:15

Ole aduumira eigye lya Musengwa Katonda yaakoba Yoshua ati: “Toolamu engaito, kuba ghano gh'oli, oli mu kifo kitukuvu.” Yoshua yaatoolamu engaito.

Yoshua 6:2

Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.