Yoshua 5:6 - Baibuli Ekibono kya Katonda 2014

⁶ kuba Abaisiraeli baatambulira emyaka amakumi ana mu irungu okutuusa abasaadha boonaboona abaava mu Misiri nga batuusiiza emyaka egibasobozesa okutabaala bwe baafa ni bawaagho. Ekyo kyaligho kuba baadheemera Musengwa Katonda. Kale Musengwa Katonda yaaloba kubaganha kubona ku nsi ye yali amaze okusuubiza okugha badhaadha baibwe ensi engimu era erimu ebirungi kamaala.

Yoshua 5:6 ပူးပေါင်းရင်းမြစ်များ

Zabbuli 107:4

Abandi baatambulatambula eyo batyo mu irungu omuzira kantu, engira yaababula ebatuusa ghe basobola okuba.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Ezekieli 20:15

Kale, nze neerayirira mwene nga bali eyo mu irungu, nti tiribatuusa mu nsi ye nabagha, ensi engimu era erimu ebirungi kamaala, esinga edhindi dhoonadhoona ekitiibwa.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Okubala 14:23

Abantu abo tibalibona ku nsi ye nasuubiza okugha badhaadha baibwe, era ghazira waire omulala ku abo boonaboona abaanhooma, aligingiramu.

Okubala 26:63

Abo n'abantu Musa ni Eleazari kabona, be baabala e Yeriko okumpi n'omwiga Yorudani, mu biketezo eby'oku museetwe eby'e Moabu.

Amateeka Agokubiri 1:3

Ku lunaku olusooka mu mwezi ogweikumi n'omulala, mu mwaka ogwamakumi ana (40) ng'Abaisiraeli baviire mu Misiri, Musa yaakobera Abaisiraeli byonabyona Musengwa Katonda bye yamulagira okubakobera.

Amateeka Agokubiri 2:14

Okuva lwe twava e Kadeshi Barinea, okutuusa lwe twasomoka akaiga Zeredi, gyali gigheze emyaka amakumi asatu na munaana. Abasaadha abalwani ab'oluse olwo boonaboona baali nga bamaze okuwaagho okufa, nga Musengwa Katonda bweyeesoomera okubamalagho.

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Amateeka Agokubiri 8:4

Emyaka egyo amakumi ana, ebivaalo byaimwe tibyakairighaku n'ebigere tibyabazimbaku.

Abaheburayi 3:11

Nasungughala neefuugha nti, ‘Tiribaganha kutuuka ghe nali nja kubagheera kuwuumula.’ ”

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Yoshua 24:7

Badhaadha baimwe bwe baatuuka ku Nhandha Emyufu bandirira mbabeere. Agho naaleetagho enzikiiza ghagati ghaibwe n'Abamisiri, era naalagira enhandha okubayoolookeraku era ebasandikire. Mwidhi bukalamu kye nakola Abamisiri. “ ‘Imwe mwaba mu irungu okumala entangama ndeeyi

Yoshua 5:5

Kale waire ng'abantu boonaboona baava mu Misiri nga bakekete, abaana abaazaalirwa mu ngira mu irungu oluvainhuma olw'okuvaayo, baali nga tibakeketebwanga

Yoshua 5:7

Abaana b'abantu abo abaadheemera Katonda baali nga tibakeketebwanga, kuba tiyabaayo kukeketa nga bakaatambula. Kale n'abo Yoshua be yakeketa.