Yoshua 5:13 - Baibuli Ekibono kya Katonda 2014

¹³ Yoshua bweyali ng'akaali agho okumpi n'e Yeriko, yaja okulinga ati, ng'abona omusaadha ng'amwemereire mu maiso, era ng'agemye empiima. Yoshua yaaja y'ali, yaamubuuza ati: “Oli ku luuyi lwaife oba lwa bazigu baife?”

Yoshua 5:13 ပူးပေါင်းရင်းမြစ်များ

Amainhama 18:1

Musengwa yabonekera Aburahamu kumpi n'emiti gya Mamure, nga Aburahamu atyaime ku mulyango gwa weema ye, mu biseera eby'omu kasana ghagati.

Amainhama 18:2

Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,

Amainhama 28:16

Yakobo yaazuuka mu ndoolo, yaakoba mule ati: “Bwenebwene Musengwa Katonda ali mu kifo kino! Aye nze mbaire tiidhi!”

Amainhama 33:1

Agho Yakobo yaalengera Esau ng'ali kwidha n'abasaadha ebikumi bina. Yakobo yaagabaniamu abaana be mu bainhaibwe bano: Leeya, Rakeli, n'abakazi be bale ababiri ab'embali abaali abairu.

Amainhama 33:5

Esau bweyalinga ati, yaabona abakazi n'abaana, yaabuuza ati: “Bano ni baani abali n'iwe?” Yakobo yairamu ati: “Abo n'abaana, Katonda olw'ekivunika kye, be yagha omugheereza wo.”

1 Ebyomubyanda 12:22

Kumpi nga buli lunaku abantu abayaaka baidha okwingira eigye lya Daudi, lyafuuka eikologho einho ng'oti n'eigye lya Musengwa Katonda mwene.

1 Ebyomubyanda 21:27

Agho Musengwa Katonda yaalagira malaika okwiza empiima mu kiruutu kyayo.

1 Ebyomubyanda 21:30

Aye Daudi nga tasobola kujaayo kwebuuza ku Katonda, kuba yali atya empiima ya malaika wa Katonda oyo.

Okuvaayo 23:23

Malaika wange aidha kubakulembera, abatwale mu biketezo bino: eky'Abamori n'eky'Abahitti, n'eky'Abaperizzi, n'eky'Abakanaani, n'eky'Abahivi, n'eky'Abayebusi, ate abantu ab'omu biketezo ebyo abazikirize.

Danieli 10:5

Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Danieli 8:3

Okuja okulinga nti, nga mbona entaama enume eyemereire ku mbali okw'omwiga. Yaliku amayiga abiri nga gombi maleeyi, aye nga erindi ireeyi ku okusingaku liinaalyo. Era eryo eireeyi okusingaku liinaalyo n'eryasembayo okumera.

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Okubala 22:23

Endogoyi yaabona malaika wa Musengwa ng'ayemereire mu ngira, ng'asowoire empiima mu kiruutu kyayo agigemye mu ngalo. Agho endogoyi eyo yaava mu ngira yaakyukira mu misiri egyali agho. Balaamu yaagikuba okugiiza mu ngira.

Okubala 22:31

Agho Musengwa Katonda yaazibula Balaamu amaiso, yaabona malaika wa Musengwa ng'ayemereire mu ngira, ng'asowoire empiima mu kiruutu kyayo yaagigema mu ngalo. Balaamu yaakutama n'ekyeni kyatuuka ku itaka.

Ebikolwa by'Abatume 1:10

Bwe baali nga bakaalingiriire engeri yaaniinamu mu igulu, ghaabaagho abasaadha babiri abaayemerera agho ghe baali, nga bavaire byeru,

Yoshua 6:2

Musengwa Katonda yaakoba Yoshua ati: “Ekibuga Yeriko nkikutaire mu ngalo, ni kyabazinga wamu, n'abalwani baamu ab'amaani.

Okwolekebwa 1:13

Ghagati mu bikondo ebyo, nabonamu afaanana ng'oti mwana wa muntu ng'avaire ekivaalo ekituuka ku bigere, era nga yeesibye mu kifuba olusibiro olwa zaabu.

Abalamuzi 13:11

Manoa yaasituka, yaanonereza mukazi we. Yaaja y'omuntu ole, yaamubuuza ati: “Niiwe omuntu ole eyayogera ni mukazi wange?” Ole yairamu ati: “Ninze.”

Abalamuzi 13:22

Manoa yaakoba mukazi we ati: “Bwenebwene twidha kufa, kuba tuboine Katonda!”