Yoshua 4:3 - Baibuli Ekibono kya Katonda 2014

³ Mubakobe baje mu kifo gheene bakabona ghe babaire beemereire, batoolegho amabaale ikumi n'abiri muje nago, bagate mu kifo ghe muja okusula obwire bwaleero.”

Yoshua 4:3 ပူးပေါင်းရင်းမြစ်များ

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Zabbuli 103:2

Ka nsaake Musengwa Katonda n'omwoyo gwange gwonagwona, ndobe na kwerabira ebirungi byonabyona by'ankoleire.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Luka 19:40

Yaabairamu ati: “Ka mbakobere bano bwe basirika amabaale gaidha kuleekaana.”

Yoshua 24:27

Yaakoba abantu boonaboona ati: “Eibaale lino liidha kubanga mudhulizi, kuba liwuliire ebibono byonabyona Musengwa Katonda by'atukobye. Kale liidha kubanga mudhulizi abalumiriza okubalobera okudheemera Katonda waimwe.”

Yoshua 3:13

Bakabona ababbeedie Sanduuku y'Endagaano eyo bwebanaaniina ebigere byaibwe mu mwiga Yorudani, amaadhi gaidha kulekera agho okutambula, agabaire nga gava eitale gaidha kwebunga mu kifo kirala.”

Yoshua 4:4

Agho Yoshua yaayeta abantu eikumi n'ababiri be yali amaze okulonda, yaabakoba ati:

Yoshua 4:8

Abaisiraeli baakola byonabyona Yoshua bye yabalagira era nga Musengwa Katonda bwe yamulagira. Baabbeeda amabaale ikumi n'abiri ng'ebika byaibwe bwe byali, baagatoola ghagati mu mwiga Yorudani, baaja nago okugatuusa mu kifo ghe baasula obwire obwo, baagaisa agho.

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”