Yoshua 4:24 - Baibuli Ekibono kya Katonda 2014

²⁴ Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

Yoshua 4:24 ပူးပေါင်းရင်းမြစ်များ

1 Bakyabazinga 8:40

Olwo bakutyenga ekiseera kyonakyona kye balimala mu nsi ye wagha badhaadha baife.

1 Bakyabazinga 8:60

Olwo abantu ab'omu maghanga goonagoona ku nsi basobole okumanha nga Musengwa Katonda oyo Katonda, era nga ni Katonda yenka, ghazira wundi naire.

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

2 Bakyabazinga 5:15

Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

1 Ebyomubyanda 29:12

Niiwe ogaba obukombe n'ekitiibwa. Niiwe ow'amaani n'obuyinza, afuga ebintu byonabyona, era aleetera abantu okuba abakologho, era ab'amaani.

Yobu 40:9

Iwe oyaga ninze amaani? Era osobola okutyabuka n'amamiro agali ng'oti n'agange?

Zabbuli 106:8

Aye era yabawonia okuzikirira ku lw'obulungi obw'eriina lye, asobole okwoleka obuyinza bwe obungi.

Zabbuli 89:13

Oli wa buyinza bungi, oli wa maani inho atatuukikaku.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Okuvaayo 14:31

Abaisiraeli bwe baabona amaani agataloodheka Musengwa Katonda ge yakozesa okughangula Abamisiri, baamutya inho baamwikiriza era baikiriza n'omugheereza we Musa.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Okuvaayo 20:20

Musa yaakoba abantu ati: “Mutatya, kuba Katonda aidhie kubaleba, n'okubongeramu okumutya, mulobe kwonoona.”

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Yeremia 32:40

Ndikola nabo endagaano etaliwaagho. Tirirekeranga kubakolera birungi. Ndibaleetera okuntangamu ekitiisa n'omwoyo gwaibwe gwonagwona, babe nga tibakairayo kunvaaku.

Amateeka Agokubiri 28:10

Olwo amaghanga goonagoona ag'oku nsi gaidha kubatyanga, nga gabona Musengwa Katonda nga bw'abeeta abantu be abalondemu.

Amateeka Agokubiri 6:2

Imwe n'abaana baimwe era n'abaidhukulu baimwe, mutenga mu Musengwa Katonda waimwe ekitiisa enaku edh'obulamu bwaimwe dhoonadhoona. Mutuukirizenga amateeka ge goonagoona n'ebiragiro bye, bye ndi kubagha, mughange okughangaalira mu nsi eyo.

1 Samueli 17:46

Olwaleero luno Musengwa Katonda aidha kukuta mu ngalo dhange nkukube ghansi, era nkutemeku omutwe. Era emirambo egy'eigye ery'Abafilisiti nja kugigabula enhonhi edh'omu ibbanga n'ensolo edh'omu nsiko. Olwo ensi yoonayoona emanhe nga mu Isiraeli mulimu Katonda.