Yoshua 4:23 - Baibuli Ekibono kya Katonda 2014

²³ Kuba Musengwa Katonda waimwe yabakaliza amaadhi mu mwiga Yorudani okutuusa bwe mwagusala, era ng'oti ni bwe yakola Enhandha Emyufu ye yatukaliza okutuusa bwe twamala okugisala.

Yoshua 4:23 ပူးပေါင်းရင်းမြစ်များ

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

Nehemia 9:11

Waleetera amaadhi g'enhandha okweyawulamu aghabiri, Abaisiraeli baabita ghagati mu nhandha ku itaka eikalu. Abo abaali bali kubabingirira waabasuula mu maadhi amaleeyi, ng'oti n'amabaale bwe gadimira mu maadhi amangi einho.

Zabbuli 78:13

Yagabaniamu amaadhi g'enhandha ghabiri, yaageemereza ng'oti bimante eruuyi n'eruuyi yaabaleka baagabitamu ghagati.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Okuvaayo 15:19

Abaisiraeli baabita mu nhandha ghagati nga batambulira ku itaka ikalu. Aye ebigaali eby'Abamisiri eby'omu lutalo, n'embalaasi dhaaku, n'abavuzi baadho bwe bangira mu nhandha, Musengwa Katonda yaiza amaadhi g'enhandha mu kifo kyago era gaabasaaniagho.

Isaia 43:16

Eira einho, Musengwa Katonda oyo n'eyatema oluguudo mu nhandha, yaakola engira mu maadhi amaleeyi.