Yoshua 4:19 - Baibuli Ekibono kya Katonda 2014

¹⁹ Olunaku Abaisiraeli lwe baasomokeraku Yorudani lwali lwa ikumi olw'omwezi ogusooka, era baaja baasimba weema dhaibwe e Giligali ekiri e buvandhuba wa Yeriko.

Yoshua 4:19 ပူးပေါင်းရင်းမြစ်များ

2 Bakyabazinga 2:1

Agho ekiseera nga kiri kumpi okutuuka Musengwa Katonda atwale Eliya mu igulu, ng'amutwalira mu mpewo eyeezungulula n'amaani, Eliya oyo ni Elisha baali nga bali kuva Giligali.

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.

Amosi 5:5

Aye mutaja Betheli kunsinza, kuba kija kuwaagho. Oba okwingira mu Giligali, kuba ab'eyo bwenebwene baja kutwalibwa mu bunhage. Oba waire okuja e Beerisheba okunsinza.”

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Amateeka Agokubiri 1:3

Ku lunaku olusooka mu mwezi ogweikumi n'omulala, mu mwaka ogwamakumi ana (40) ng'Abaisiraeli baviire mu Misiri, Musa yaakobera Abaisiraeli byonabyona Musengwa Katonda bye yamulagira okubakobera.

Amateeka Agokubiri 11:30

Ensozi edho dhombi dhiri ere ng'osomoike omwiga Yorudani, mu nsi y'Abakanaani ababa mu kiiko kya Yorudani okwolekera Giligali, mu mbali mw'omuti omukologho ogw'e More.

Yoshua 10:43

Ebyo bwe byawa, Yoshua n'eigye lyonalyona erya Isiraeli bairayo e Giligali ye baasimba weema dhaibwe.

Yoshua 10:6

Abasaadha ab'e Gibeoni baagheereza Yoshua obukwenda e Giligali, Abaisiraeli ye baali basimbye weema dhaibwe, nga bukoba buti: “Ife abagheereza bo, otatulekulira agho, yangughaku okwidha okutubeera otuwonie kuba bakyabazinga boonaboona Abamori, ababa eyo mu biketezo eby'ensozi, beesoloiza baatulumba.”

Yoshua 15:7

Ensalosalo eyo ng'ebita mu kyetebwa Ekiiko eky'Ebizibu yaatuuka e Debiri, yeeyongerayo ku luuyi lwene olwo, yaakyuka okwolekera Giligali ekiringiriire olusozi Adummimu, ku luuyi olw'omukono omusaadha olw'e buvandhuba olw'ekiiko ekyo. Agho yaaja ng'ebita ku miiga egy'e Enishemeshi okutuuka ku kibuga Enirogeli.

Yoshua 24:11

Mwasomoka Yorudani mwatuuka e Yeriko, abasaadha ab'e Yeriko baabalwanisa nga kw'otaire n'Abamori, n'Abaperizzi, n'Abakanaani, n'Abahitti, n'Abagirigashi, n'Abahivi era n'Abayebusi. Aye naagha imwe obughanguzi mwababinga.

Yoshua 4:18

Era bakabona nga babbeedie Sanduuku y'Endagaano olwava mu mwiga, ebigere byaibwe ni biniina ku bukalu biti, amaadhi gairagho mu kifo kyago era gaabanda n'okubanda nga bwe gaali ng'ebyo bikaali kubaagho.

Yoshua 5:10

Abaisiraeli bwe baali nga bakaagumbye agho e Giligali mu biketezo by'e Yeriko eby'omuseetwe, olw'eigulo baakola Ekibinuko eky'Okwidhukiriraku Okubitizibwa, ng'enaku edh'omwezi ikumi na ina.

Yoshua 5:9

Musengwa Katonda yaakoba Yoshua ati: “Olwaleero mbatoireku eriina eibi ery'okwetebwanga abairu ab'Abamisiri.” Ekifo ekyo kwe kyava okwetebwa Giligali, eriina lye bakaakyeta ni ye buli eno.

Yoshua 9:6

Baaja e Giligali Abaisiraeli ghe baasimba weema dhaibwe, baakoba Yoshua n'Abaisiraeli abo bati: “Tuva eyo mu nsi ya ghala era twidhie okukola n'imwe endagaano.”

1 Samueli 10:8

Oidha kuja e Giligali oneesookengayo. Eyo ye ndidha okukwagaana, mpeeyo ebigheebwayo ebyokebwa n'emisengo egigheebwayo olw'okutabagana. Oidha kunteegera eyo okumala enaku musanvu, memale ndidhe nkulage eky'okukola.”

1 Samueli 15:33

Samueli yaamukoba ati: “Ng'empiima yo bwe yalekanga abakazi nga baziraku baana, ni inhoko yeena atyo bw'aja okusigala ng'aziraku mwana mu bakazi baine.” Era agho Samueli yaatematema Agagi bukutukutu, agho mu maiso ga Musengwa Katonda e Giligali.