Yoshua 4:14 - Baibuli Ekibono kya Katonda 2014

¹⁴ Ku lunaku olwo, Musengwa Katonda yayoleka Abaisiraeli boonaboona nga Yoshua bweyali n'ekitiisa ekya ghaigulu, era okuva n'olwo baamutya enaku dhoonadhoona edh'obulamu bwe, ng'oti ni bwe baatyanga Musa.

Yoshua 4:14 ပူးပေါင်းရင်းမြစ်များ

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

1 Ebyomubyanda 29:25

Musengwa Katonda yaaleetera Isiraeli yoonayoona okugha Solomoni ekitiibwa eky'obwakyabazinga, ekitabangaghooku ku kyabazinga wundi yeenayeena eyaali afuzeeku mu Isiraeli.

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

Okuvaayo 11:3

Agho Musengwa Katonda yaaleetera Abamisiri okutya Abaisiraeli. Ate ekindi, Abamisiri abo ng'otwaliizaamu n'abakungu ba kyabazinga beene, baatwalanga Musa okuba omuntu omukologho.

Okuvaayo 14:31

Abaisiraeli bwe baabona amaani agataloodheka Musengwa Katonda ge yakozesa okughangula Abamisiri, baamutya inho baamwikiriza era baikiriza n'omugheereza we Musa.

Ensambo 24:21

Mwana wange otyanga Musengwa Katonda ni kyabazinga, era otabadheemeranga.

Ab'e Roma 13:4

kuba oyo mugheereza wa Katonda olw'okukugasa iwe. Aye bw'okola ebibi, mutye, kuba obufuzi bwe ti bwa busa, mugheereza wa Katonda era abonereza abo abakola ebibi.

1 Ab'e Korintho 10:2

Boonaboona mu kire, era ni mu nhandha baabatizibwa mu kwisa ekirala ni Musa.

Yoshua 3:7

Musengwa Katonda yaakoba Yoshua ati: “Ku lunaku luno nja kwoleka Abaisiraeli boonaboona nga bw'oli n'ekitiisa ekya ghaigulu. Baidha kumanha nga ndidha kubanga n'iwe, nga bwe nalinga ni Musa.

Yoshua 4:13

Bano baali baghera emitwalo ng'ena (40,000), nga beetegekeire bukalamu olutalo. Agho baasala omwiga nga Musengwa Katonda ali nabo, bangira ekiketezo ky'e Yeriko eky'omuseetwe.

Yoshua 4:15

Agho Musengwa Katonda yaakoba Yoshua

1 Samueli 12:18

Kale Samueli yeeghemba Musengwa Katonda. Musengwa Katonda yaaleetagho okutyabuka kw'olukuba era yaagwisa amaadhi ku lunaku olwo. Abantu boonaboona baatya inho Musengwa Katonda ni Samueli.