Yoshua 4:13 - Baibuli Ekibono kya Katonda 2014

¹³ Bano baali baghera emitwalo ng'ena (40,000), nga beetegekeire bukalamu olutalo. Agho baasala omwiga nga Musengwa Katonda ali nabo, bangira ekiketezo ky'e Yeriko eky'omuseetwe.

Yoshua 4:13 ပူးပေါင်းရင်းမြစ်များ

2 Bakyabazinga 25:5

Aye ab'eigye ly'Abababilonia baabingirira kyabazinga Zedekia, baamutuukaku mu kiketezo eky'oku museetwe eky'e Yeriko, eigye lye lyonalyona lyasansaana lyamulekulira agho.

Okuvaayo 13:18

Kale yaababisa mu ngira ey'okwekooloobya mu irungu nga boolekeire Enhandha Emyufu. Abaisiraeli okuva mu Misiri baali beetegefu okulwana olutalo.

Yeremia 39:5

Aye eigye ery'Abababilonia lyababingirira, lyagemera Zedekia mu biketezo eby'oku museetwe kumpi n'e Yeriko. Baamutwala ye kyabazinga Nebukadinezzari ng'ali mu kibuga Ribula mu kiketezo ky'e Hamathi, era Nebukadinezzari oyo yaamusalira eyo omusango okumusinga.

Yeremia 52:8

Aye ab'eigye ly'Abababilonia baabingirira kyabazinga Zedekia, baamutuukaku mu kiketezo eky'oku museetwe eky'e Yeriko, eigye lye lyonalyona lyasansaana lyamulekulira agho.

Okubala 32:17

Aye ife twidha kugema eby'okulwanisa tukulemberemu Baisiraeli banaife okutuusa lwe tulibatuusa mu kiketezo ekija okuba ekyaibwe. Olwo tunaaba nga tulese abaana baife abato mu bibuga ebyezungulwirwa ebimante ebigumu, balobe kulumbibwa batyamye ba mu kiketezo kino.

Ab'Efeso 6:11

Mukozesenga eby'okulwanisa bya Katonda, musobole okutala nga Sitaani abalumbye n'obukodyo bwe;

Amateeka Agokubiri 3:18

“Agho naabalagira mu biseera ebyo nti, ‘Musengwa Katonda waimwe abaghaire ensi eno ebe yaimwe. Kale ni abalwani baimwe nga bagemye eby'okulwanisa baidha kwesookayo baganda baibwe Abaisiraeli.

Yoshua 4:12

Abasaadha ab'ekika kya Reubeni, n'ab'ekika kya Gadi, n'ekitundu eky'ab'ekika kya Manasse n'abaasala omwiga okusooka nga bakulembeiremu abantu abandi boonaboona, era nga beetegefu okulwana, nga Musa bwe yabakoba.

Yoshua 4:14

Ku lunaku olwo, Musengwa Katonda yayoleka Abaisiraeli boonaboona nga Yoshua bweyali n'ekitiisa ekya ghaigulu, era okuva n'olwo baamutya enaku dhoonadhoona edh'obulamu bwe, ng'oti ni bwe baatyanga Musa.

Yoshua 5:10

Abaisiraeli bwe baali nga bakaagumbye agho e Giligali mu biketezo by'e Yeriko eby'omuseetwe, olw'eigulo baakola Ekibinuko eky'Okwidhukiriraku Okubitizibwa, ng'enaku edh'omwezi ikumi na ina.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.