Yoshua 3:17 - Baibuli Ekibono kya Katonda 2014

¹⁷ Abaisiraeli boonaboona baasomoka Yorudani nga batambulira ku itaka ikalu, ng'olwo bakabona beemereire ghagati mu mwiga era boona ku itaka ikalu, nga babbeedie Sanduuku y'Endagaano. Bakabona abo baasigala nga beemereire agho okutuusa abantu boonaboona bwe baamala okusomoka.

Yoshua 3:17 ပူးပေါင်းရင်းမြစ်များ

2 Bakyabazinga 2:8

Agho Eliya yaagema ekivaalo kye, yaakizingamu, yaakikozesa okukuba ku maadhi, amaadhi geegabamu ghabiri ku luuyi ni ku luuyi, bombi baasomoka nga babita ku itaka ikalu.

Zabbuli 66:6

Yafuula enhandha ng'oti bukalu abantu baasala omwiga nga batambula ku bigere. Agho twasagamba olw'ebyo bye yakola.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Okuvaayo 14:22

Abaisiraeli baingira mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Okuvaayo 14:29

Aye nga Abaisiraeli baabita mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Okubala 33:51

ati: “Koba Abaisiraeli oti, bwemunaamala okusomoka Yorudani ni mungira mu Kanaani,

Abaheburayi 11:29

Okwikiriza n'okwasobozesa Abaisiraeli okubita mu Nhandha Emyufu nga bali ng'oti babita ku bukalu, aye Abamisiri bwe baagezaaku baadimira.

Yoshua 4:1

Abaisiraeli boonaboona bwe baamala okusomoka Yorudani, Musengwa Katonda yaakoba Yoshua ati:

Yoshua 4:10

Bakabona abaabbeeda Sanduuku y'Endagaano baayemerera ghagati mu mwiga Yorudani okutuusa nga buli kintu Musengwa Katonda kye yalagira Yoshua okukoba abantu ng'abita mu Musa, kiwoire. Abantu baayangugha okusala omwiga Yorudani

Yoshua 4:11

era boonaboona bwe baamala okusala, bakabona ababbeedie Sanduuku y'Endagaano baakulemberamu abantu.

Yoshua 4:22

muli bakoberanga muti, ‘Isiraeli yasomoka Yorudani ku itaka eikalu.’

Yoshua 4:3

Mubakobe baje mu kifo gheene bakabona ghe babaire beemereire, batoolegho amabaale ikumi n'abiri muje nago, bagate mu kifo ghe muja okusula obwire bwaleero.”

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.