Yoshua 3:14 - Baibuli Ekibono kya Katonda 2014

^14-15 Ebiseera Abaisiraeli bye baaviiramu ghe baali basimbye weema dhaibwe, ni baja okusomoka Yorudani, byali bya makungula. Ebiseera ebyo omwiga Yorudani gwidhula gwabanda. Agho bakabona abaali babbeedie Sanduuku y'Endagaano nga bakulembereiremu abantu boonaboona, olwaniina ebigere byaibwe mu mwiga,

Yoshua 3:14 ပူးပေါင်းရင်းမြစ်များ

Zabbuli 132:8

Wo Musengwa Katonda, situkiramu oje otyame mu kifo kyo obeemu n'Esanduuku yo ey'Endagaano eyoleka obukumu bwo.

Yeremia 3:16

Bwe mulizaalagana ni mweyongera okuba abangi mu nsi eyo, olwo abantu baliba tibakaayogera ku Sanduuku ya Ndagaano ya Musengwa kuba baliba tibakaagirowoozaaku waire okugiidhukira. Tighalibaagho muntu awulira mule ng'agyetaaga ebeegho, era tibaja kukolayo yindi kabiri.

Amateeka Agokubiri 31:26

“Mutwale ekitabo kino eky'Amateeka, mukite gha mbali gh'Esanduuku ey'Endagaano ya Musengwa Katonda waimwe, kibenga eyo ng'obudhulizi obulumiriza abantu be.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Yoshua 24:11

Mwasomoka Yorudani mwatuuka e Yeriko, abasaadha ab'e Yeriko baabalwanisa nga kw'otaire n'Abamori, n'Abaperizzi, n'Abakanaani, n'Abahitti, n'Abagirigashi, n'Abahivi era n'Abayebusi. Aye naagha imwe obughanguzi mwababinga.

Yoshua 3:3

“Bwe mubona bakabona nga babbeeda Esanduuku y'Endagaano ya Musengwa Katonda waimwe, musansula weema dhaimwe mwaginonereza.

Yoshua 3:6

Era yaakoba bakabona ati: “Mubbeede Sanduuku y'Endagaano, mukulemberemu abantu.” Era boona baabbeeda Sanduuku y'Endagaano baakulemberamu, abantu baabanonereza.

Yoshua 6:6

Yoshua yaayeta bakabona yaabakoba ati: “Mubbeede Sanduuku y'Endagaano, era abantu musanvu ku imwe, buli muntu ageme endeka eyakolebwa mu iyiga ery'entaama, bakulemberemu Sanduuku y'Endagaano eyo.”