Yoshua 24:6 - Baibuli Ekibono kya Katonda 2014

⁶ Badhaadha baimwe abo bwe nabatoola mu Misiri ni batuuka ku Nhandha Emyufu, Abamisiri baababingirira n'ebigaali eby'omu lutalo, ghalala n'abalwani ab'oku mbalaasi.

Yoshua 24:6 ပူးပေါင်းရင်းမြစ်များ

Nehemia 9:11

Waleetera amaadhi g'enhandha okweyawulamu aghabiri, Abaisiraeli baabita ghagati mu nhandha ku itaka eikalu. Abo abaali bali kubabingirira waabasuula mu maadhi amaleeyi, ng'oti n'amabaale bwe gadimira mu maadhi amangi einho.

Zabbuli 78:13

Yagabaniamu amaadhi g'enhandha ghabiri, yaageemereza ng'oti bimante eruuyi n'eruuyi yaabaleka baagabitamu ghagati.

Okuvaayo 12:37

Abaisiraeli baatoolera olugendo lwaibwe ku bigere, era baatambula okuva e Ramesesi baatuuka e Sukkothi. Baali abasaadha ng'oti mitwalo nkaaga (600,000), nga tobaze bakazi na baana.

Okuvaayo 12:51

Ku lunaku lwene olwo Musengwa Katonda yaatoola Abaisiraeli boonaboona mu Misiri.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Abaheburayi 11:29

Okwikiriza n'okwasobozesa Abaisiraeli okubita mu Nhandha Emyufu nga bali ng'oti babita ku bukalu, aye Abamisiri bwe baagezaaku baadimira.