Yoshua 24:33 - Baibuli Ekibono kya Katonda 2014

³³ Mu biseera ebyo, Eleazari mutabane wa Aaroni yeena yaafa, era baamuziika kumpi n'ekibuga Gibea ekiri mu kiketezo eky'ensozi eky'Abaefuraimu, ekibuga ekyo nga kyagheebwa mutabane we Finehasi.

Yoshua 24:33 ပူးပေါင်းရင်းမြစ်များ

2 Samueli 20:21

Era ekyo ti kye ndi kuja okukola naire. Aye ghaligho omusaadha ava mu biketezo eby'oku nsozi ebya Efuraimu ng'ayetebwa Sheba mutabane wa Bikiri, eyadheemera kyabazinga Daudi. Kale ni mumugheeyo oyo yenka ati, ng'olwo nze ekibuga nkireka.” Omukazi yaamukoba ati: “Bona eno, omutwe gwe twidha kugukusuulira tugutumye ekimante.”

1 Bakyabazinga 4:8

Gano n'amaina gaibwe: Benihuri nga n'alabirira ekiketezo eky'oku nsozi ekya Efuraimu;

2 Bakyabazinga 5:22

Gehazi yairamu ati: “Busa, ezirayo kizibu. Aye musengwa wange antumye nkukobe nti, ‘Mu kaseera kano abaisuka babiri ku b'omu kikunsu ky'abalanzi, bava kwidha ye ndi nga baviira mu kiketezo kya Efuraimu eky'ensozi. Nkweghemba obampeere ebitundu bya feeza enkumi isatu (3,000), n'ebivaalo ebirungi bibiri.’”

Ezera 7:5

Bukki oyo yaaba mutabane wa Abishua, Abishua oyo yaaba mutabane wa Finehasi, Finehasi oyo yaaba mutabane wa Eleazari, ate Eleazari oyo yaaba mutabane wa Aaroni Kabona Omukulu.

Yobu 30:23

Bwenebwene ndidhi nti oli kuntwala magombe, mu kifo erija abalamu boonaboona.

Zabbuli 49:10

Bwenebwene tubona nga n'abagezi bafa, era nga n'abasiru ghalala n'abadoofu bawaagho, obukombe bwaibwe baabulekera bantu bandi.

Okuvaayo 6:23

Aaroni yaafuna omukazi nga bamweta Elisheba, mughala wa Amminadabu era nga mwanhina Nahashoni. Baazaala abaana era nga ni bano: Nadabu, Abihu, Eleazari ni Ithamari.

Okuvaayo 6:25

Eleazari mutabane wa Aaroni yaafuna omukazi ku baghala ba Putieli, baazaala omwana baamutuuma eriina Finehasi. Edho n'enda edhaasimuka mu Levi era abo n'abakulu baadho.

Zekaria 1:5

Aye buti badhaadha baimwe abo bali gha? N'abalanzi abo babaagho nga balamu byanda na byanda?

Okubala 3:32

Omukulu ow'abakulembeze ab'Abalevi yali ng'ali n'okuba Eleazari mutabane wa Aaroni kabona. Era nga n'ali n'okukulira abakola mu Kifo Ekitukuvu.

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

Abaheburayi 7:24

Aye Yesu mulamu, taja kufa era aba kabona ebyanda n'ebyanda.

Yoshua 14:1

Kiti ekiketezo ky'e Kanaani eky'e bugwandhuba wa Yorudani bwe kyagabanizibwamu mu Baisiraeli, ng'okugabania kuno kukolebwa Eleazari kabona, ni Yoshua mutabane wa Nuni, n'abakulu ab'ebika eby'Abaisiraeli.

Yoshua 22:13

Aye nga bakaali, baasooka baatumayo Finehasi mutabane wa Eleazari kabona,

Abalamuzi 17:8

Yaamala yaavaayo ng'ali kwagala aghandi gh'anaaba. Bwe yali ng'ali kutambula, yaatuuka ku ndhu ya Mika mu kiketezo eky'e Efuraimu eky'oku nsozi.

Abalamuzi 18:13

Bwe baava agho baatuuka mu ndhu ya Mika mu kiketezo eky'e Efuraimu eky'oku nsozi.

1 Samueli 1:1

Ghaaligho omusaadha ye baayetanga Elukana eyabanga mu Ramathaimu Zofimu mu biketezo bya Efuraimu eby'ensozi. Elukana oyo yali mutabane wa Yerohamu. Yerohamu oyo yali mutabane wa Elihu. Elihu oyo yali mutabane wa Tohu. Ate Tohu oyo yaaba mutabane wa Zufa Omuefuraimu.

1 Samueli 9:4

Baabita mu kiketezo ky'ensozi ekya Efuraimu ni mu kiketezo eky'e Shalisha, aye baaloba kudhibona. Baabita mu kiketezo eky'e Shalimu, aye nga dhizirayo. Era baabita mu kiketezo ekya Benjamini, aye baaloba kudhaagaana yo.