Yoshua 24:32 - Baibuli Ekibono kya Katonda 2014

³² Amagumba ga Yosefu, Abaisiraeli ge baidha nago okuva e Misiri, baagaziika e Shekemu mu itaka Yakobo lye yagula ku batabane ba Hamori lata wa Shekemu. Eitaka eryo yaligula ebitundu bya feeza kikumi, era lyafuuka obutaka obwa baidhukulu ba Yosefu.

Yoshua 24:32 ပူးပေါင်းရင်းမြစ်များ

Amainhama 33:19

Yaaghaayo ebitundu bya feeza kikumi, okugula eitaka kwe yali amaze okuzimba weema dhe, ng'aligula ku baidhukulu ba Hamori lata wa Shekemu.

Amainhama 48:22

Era ekiketezo eky'e Shekemu ekigimu, kye natoola ku Bamori nga nwanisa empiima yange n'akalaso, nkighaire iwe, se ti baganda bo.”

Amainhama 50:24

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

Amainhama 50:25

Agho Yosefu yaalayiza abaana ba Isiraeli ng'akoba ati: “Mulayire muti Katonda bw'alibatoola mu nsi eno, mulitwala amagumba gange.”

Okuvaayo 13:19

Bwe baali bava mu Misiri Musa yaaja n'amagumba ga Yosefu, kuba Yosefu oyo ng'akaali kufa yabalayiza ati: “Katonda bw'alibatoola mu Misiri muno, mujanga n'amagumba gange.”

Yoanne 4:5

Yaatuuka mu Samaria mu kibuga ekyetebwa Sikaru nga kiri kumpi n'ekibandha Yakobo kye yagha mutabane we Yosefu.

Ebikolwa by'Abatume 7:15

Yakobo yaikirira e Misiri ye yafiira ni badhaadha baife.

Ebikolwa by'Abatume 7:16

Baabatwala e Shekemu baabaziika mu magombe Aburahamu ge yagula n'empiiya ku baana ba Hamori e Shekemu.

Abaheburayi 11:22

Okwikiriza n'okwaleetera Yosefu, bwe yali ng'ali kumpi okufa, okwogera ku ky'Abaisiraeli okuva mu Misiri, era n'okubagalagira kye babe bakolere amagumba ge.