Yoshua 24:26 - Baibuli Ekibono kya Katonda 2014

²⁶ Yoshua yaaghandiika ebiragiro bino mu kitabo eky'amateeka ga Katonda. Agho yaatoola eibaale eikologho yaalisimba ghansi agh'omuti omuvule mu kifo kya Musengwa Katonda ekitukuvu.

Yoshua 24:26 ပူးပေါင်းရင်းမြစ်များ

Amainhama 31:45

Agho Yakobo yaatoola eibaale, yalisimbagho libe ekiidhukizo.

Amainhama 35:4

Kale, baagha Yakobo emisambwa egy'abamaghanga agandi gyonagyona gye baali nagyo, n'empeta edhaali mu matu gaibwe. Yakobo yaabiziika ghansi gh'omuti omukologho kumpi ni Shekemu.

Amainhama 35:8

Debora omulezi wa Rebekka yaafa, baamuziika ghansi gh'omuti omukologho, kumpi n'e Betheli. Omuti ogwo baagutuuma eriina: “Omuti ogw'okulira amaziga.”

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Abalamuzi 9:6

Abatyamye ab'e Shekemu n'ab'e Bethimillo boonaboona, beesoloza, baafuula Abimeleki kyabazinga, agho ghansi gh'omuti omukologho ogw'empagi e Shekemu.

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”