Yoshua 24:19 - Baibuli Ekibono kya Katonda 2014

¹⁹ Aye Yoshua yaakoba abantu ati: “Timusobola kugheereza Musengwa Katonda, kuba oyo ni Katonda omutukuvu era Katonda ow'enkikidi. Taja kubasonigha kwonoona kwaimwe oba ebibi bye mukola.

Yoshua 24:19 ပူးပေါင်းရင်းမြစ်များ

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Zabbuli 99:3

Abantu boonaboona ka basaake eriina lye eikulu eritiibwa, kuba mutukuvu!

Zabbuli 99:5

Musaake Musengwa Katonda waife, mumusinze nga muli mu maiso ag'ekityamo kye eky'obwakyabazinga, kuba mutukuvu!

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Okuvaayo 34:14

Mutasinzanga katonda yeenayeena, kuba nze Musengwa Katonda, ayetebwa ‘Nkikidi’, bwenebwene ndi wa nkikidi.

Okuvaayo 34:7

Ninze ayoleka enkumi n'enkumi edh'abantu okugonza kwange okwo okutakoma. Era mbasonigha olw'okukola ebibi, n'olw'obudheemu, n'olw'empwitu. Aye tiroba kubonereza baana na baidhukulu lwa bibi bya bazaire baibwe, mu nse dhoonadhoona okutuuka ku lwokusatu ni ku lwokuna.”

Isaia 2:9

Omuntu owabuliidho yaakuba amakiryaivu, n'omukungu yeena yeewombeeka. Kale ni, Wo Musengwa Katonda, otabasonigha naire.

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 30:11

Mutuviire mu ngira mulobe kutwekiika mberi. Mulekere agho okutukobera ebigema ku Mutukuvu wa Isiraeli.’ ”

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 5:16

Aye Musengwa Katonda Afuga Amagye agulumizibwa ng'asalira abantu mu mazima, era ayoleka obutukuvu bwe ng'akolera abantu mu butuufu.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 11:44

Ninze Musengwa Katonda waimwe. Mubenga batukuvu, kuba nze ndi mutukuvu. Muteereeteranga kuba batali batukuvu nga mulya ku mamba ey'ebyekululira ku itaka ebyo.

Abalevi 11:45

Ninze Musengwa Katonda eyabatoola mu Misiri, mbenga Katonda waimwe. Kale ni mubenga batukuvu, kuba nze ndi mutukuvu.”

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Abalevi 20:26

Mubenga batukuvu, era nga muli bange zenka, kuba nze Musengwa ndi mutukuvu era nabaawula ku maghanga agandi, mughange okuba abange zenka.

Abalevi 20:7

Kale mubenga batukuvu, kuba ninze Musengwa Katonda waimwe.

Nahumu 1:2

Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Habakkuku 1:13

Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

Matayo 6:24

“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.

Yoshua 24:18

Yabingangho Abamori abaabanga ghano. Kale twena twidha kugheerezanga Musengwa Katonda, kuba oyo ni Katonda waife.”

Yoshua 24:23

Yoshua yaabakoba ati: “Kale ni musuule ere emisambwa gye muli nagyo egisinzibwa abamaghanga agandi, era mweyame okubanga abeesigwa eri Musengwa Katonda, Katonda wa Isiraeli.”

Ruthi 1:15

Naomi yaakoba Ruthi ati: “Oli kubona mughalikwa wo aizeeyo mu bantu be, ni ye bakatonda be, weena irayo.”

1 Samueli 3:14

Olw'ekyo neerayiriire eri endhu ya Eli, nti mu byanda byonabyona ebiriiragho, ezira musengo oba kigheebwayo kirisobola kubatoolaku kibi kyaibwe ekyo.”

1 Samueli 6:20

Agho abantu ab'e Bethi Shemeshi baakoba bati: “Naani aghanga okuba mu maiso ga Musengwa Katonda ono omutukuvu? Era anaaja w'ani atuveeku?”