Yoshua 24:17 - Baibuli Ekibono kya Katonda 2014

¹⁷ Musengwa Katonda waife n'eyatoola badhaadha baife, n'ife beene, mu Misiri ye twalinga mu bwiru, era n'eyakola ebyewuunhisa ebikologho nga tubona. Yatukuumanga bukalamu eyo yoonayoona ye twabitanga, era yaatubisanga bukalamu mu maghanga goonagoona ge twabitamu.

Yoshua 24:17 ပူးပေါင်းရင်းမြစ်များ

2 Ebyomubyanda 13:10

Aye ife, Musengwa Katonda oyo ni Katonda waife era titumuvangaku naire. Bakabona be tuli nabo, abamugheereza, ba ku lulyo lwa Aaroni, era bayambibwaku Abalevi.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 19:4

‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Isaia 46:4

Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.

Amateeka Agokubiri 29:2

Musa yaayeta Abaisiraeli boonaboona, yaabakoba ati: “Mwabona n'amaiso gaimwe ebyo byonabyona Musengwa Katonda bye yakola mu nsi Misiri ku kyabazinga waayo, ni ku bakungu be, ni ku bantu b'ensi eyo boonaboona.

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Amateeka Agokubiri 7:19

Mwidhukirenga ebibamba ebitiisa bye mweboneraku beene n'amaiso gaimwe, n'ebyewuunhio, n'ebyewuninkiriza, n'amaani agataloodheka, Musengwa Katonda waimwe bye yakozesa okubanunulayo. Atyo Musengwa Katonda waimwe bw'aidha okukola ni ku bantu abo boonaboona be muli kutya.

Yoshua 24:16

Agho abantu bairamu bati: “Tituja kuleka Musengwa Katonda ni tugheereza bakatonda bandi.

Yoshua 24:18

Yabingangho Abamori abaabanga ghano. Kale twena twidha kugheerezanga Musengwa Katonda, kuba oyo ni Katonda waife.”