Yoshua 24:15 - Baibuli Ekibono kya Katonda 2014

¹⁵ Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Yoshua 24:15 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Amainhama 35:2

Agho Yakobo yaakoba ab'omu ndhu ye, n'abo boonaboona abaali naye ati: “Musuule ere emisambwa egy'abamaghanga agandi gye muli nagyo mwetukuze, mukyuse ebivaalo, muvaale ebitukula.

1 Bakyabazinga 18:21

Agho Eliya yaaja eri abantu abo boonaboona, yaabakoba ati: “Mulituusa li okuyuugira eno n'ere nga timusalagho? Oba nga Musengwa Katonda ni Katonda, oyo ye mube musinze. Aye oba nga Baali ni Katonda, kale musinze oyo.” Aye abantu baaloba kumwiramu kibono waire ekirala.

1 Ebyomubyanda 1:14

era n'eyasimukamu Abayebusi, n'Abamori, n'Abagirigashi,

Zabbuli 101:2

Ndidha kwebisanga mu ngeri etandeetere kwogerwaku. Oliidhaku li ye mba? Ndidha kubanga mwesigwa okuviira irala mu ndhu yange.

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Okuvaayo 23:2

“Otajiiranga ku kintu abantu abasinga bungi kye bakoba nga kikyamu, oba okubajiiraku nga bali kugha obudhulizi obubuzaabuza ekituufu.

Okuvaayo 23:24

Otakubiranga misambwa gyaibwe makiryaivu, oba okugisinza, oba okukola ebyo beene bye bagikolera. Aye ogizikirizanga, era waamenhamenhanga empango dhaagyo edh'amabaale.

Okuvaayo 34:15

Mubone nga timukola ndagaano na bantu be mulyagaana mu nsi ye muli kujaamu. Kuba abantu abo bwe baliba nga bali kusinza emisambwa gyaibwe era nga bali kugigha emisengo, balisobola okubeeta imwe mubeeyimbeku, era mulisobola okulya ku ebyo bye baliba baghaireyo ng'emisengo.

Ezekieli 20:39

Musengwa Katonda era akoba ati: “Mperaano imwe Abaisiraeli, oba nga timwenda kumpulira, buli muntu aje agheereze ebisinzibwa bye ebitali nze Katonda. Aye mbalabula obutairayo kwonoona liina lyange eitukuvu, eno nga mumpa ebigheebwayo ate ere nga bwemusinza ebitali nze Katonda.

Danieli 3:18

Aye Katonda waife ni bw'aba nga taakole atyo, twenda okukumanhisa, iwe Isebantu kyabazinga, nga tituja kugheereza bakatonda bo waire okusinza ekiwumbe kya zaabu kye wataagho.”

Abalevi 14:42

Olwo banaatoolanga amabaale, baagazimba mu bifo bire ebitooleibwamu, era baatoola seminti owundi baakuba ku bimante.

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Amateeka Agokubiri 13:7

Owundi ku abo asobola okukusendasenda okusinzanga bakatonda ab'amaghanga agabeezungulwire agho okumpi, oba ab'ago agabali eghala mu biketezo byonabyona eby'ensi.

Amateeka Agokubiri 29:18

Mwekuumenga ghalobe kubaagho musaadha oba mukazi, oba maka, oba kika, mu bali ghano olwaleero, akyusa mwoyo gwe n'ava ku Musengwa Katonda waife, n'asinza bakatonda b'amaghanga gandi. Okukola ekyo kuba ng'oti n'omuzi ogusibuka ku kimera ekikaagha era eky'obutwa.

Yoshua 24:16

Agho abantu bairamu bati: “Tituja kuleka Musengwa Katonda ni tugheereza bakatonda bandi.

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”