Yoshua 24:12 - Baibuli Ekibono kya Katonda 2014

¹² Mwaja okubatuukaku nga mbaswiremu okutya n'okudhugumira, ekyaleetera bakyabazinga Abamori ababiri okulumuka embiro empiima dhaimwe n'obulaso bwaimwe ti n'ebyabaleetera okughangula.

Yoshua 24:12 ပူးပေါင်းရင်းမြစ်များ

Zabbuli 135:11

Sihoni kyabazinga w'Abamori, ni Ogi kyabazinga wa Bashani, ni bakyabazinga boonaboona ab'e Kanaani.

Zabbuli 80:10

Ekinsense kyagwo kyaghemba ensozi, ensaga dhaagwo dhaaghemba n'emivule emikologho.

Zabbuli 80:9

Waagulimaku, gwasimba emizi, gwabuna ensi.

Okuvaayo 23:28

Ndidha kusindikanga ebiziinhuusi emberi ye muja bibingengamu Abahivi, n'Abakanaani, n'Abahitti, babasegulire.

Okuvaayo 23:31

Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

Okubala 21:31

Kale mu nsambo eyo, Abaisiraeli baatyama mu kiketezo ekyali eky'Abamori.

Okubala 21:32

Era Musa yaatuma abantu baakeeta ekibuga Yazeri. Abaisiraeli baanhaga ebyalo byakyo, baabingamu Abamori abaali babibaamu.

Amateeka Agokubiri 31:4

Musengwa Katonda aidha kughangula abantu abo nga bwe yaghangula bakyabazinga b'Abamori, Sihoni ni Ogi, be yazikiriza n'ensi yaibwe.

Amateeka Agokubiri 4:46

Yabibagheera mu kiiko ekiringiriire Bethi Peori, e buvandhuba wa Yorudani, mu nsi eyali eya kyabazinga Sihoni ow'Abamori, eyabanga mu Heshiboni. Musa n'Abaisiraeli baaghangula Sihoni oyo nga baviire mu Misiri.

Amateeka Agokubiri 4:47

Baanhaga ensi ye, n'ensi eya kyabazinga owundi ow'Abamori eyayetebwanga Ogi, era eyabanga e Bashani e buvandhuba wa Yorudani.

Amateeka Agokubiri 7:20

Alibaleetamu okutya n'okudhugumira, okutuusa lw'alizikiriza abo abaliba nga bakaasigairegho nga beegisiisa.

Yoshua 2:10

Kuba twawulira nga Musengwa Katonda yakaliiza Enhandha Emyufu bwe mwagituukaku nga muva e Misiri. Era twawulira bye mwakola bakyabazinga Abamori abaali e buvandhuba ew'omwiga Yorudani: Sihoni ni Ogi be mwazikiriza.