Yoshua 24:10 - Baibuli Ekibono kya Katonda 2014

¹⁰ Aye nze naaloba kumuganha kukikola, mu kifo ky'ekyo naamuleetera okubasabira enkabi, agho naaba nga mbawoniiza Balaki.

Yoshua 24:10 ပူးပေါင်းရင်းမြစ်များ

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 22:35

Aye malaika wa Musengwa Katonda yaamukoba ati: “Ja n'abasaadha abo, aye kye nnaakukoba okwogera kyonka ky'onaayogera.” Kale Balaamu yeeyongerayo, yaaja n'abakwenda ba Balaki.

Amateeka Agokubiri 23:5

Aye Musengwa Katonda waimwe yabagonza, yaaloba kuwulirisa bya Balaamu. Mu kifo eky'ekikolimo, yaabaghaamu nkabi.

Yoshua 24:11

Mwasomoka Yorudani mwatuuka e Yeriko, abasaadha ab'e Yeriko baabalwanisa nga kw'otaire n'Abamori, n'Abaperizzi, n'Abakanaani, n'Abahitti, n'Abagirigashi, n'Abahivi era n'Abayebusi. Aye naagha imwe obughanguzi mwababinga.