Yoshua 23:7 - Baibuli Ekibono kya Katonda 2014

⁷ Timukolagananga na bantu abo abanaasigalanga mu biketezo bye tuja okunhaga. Timwogeranga bigema ku bakatonda baibwe, oba okulayira nga mukozesa amaina gaibwe, oba okubakubira amakiryaivu n'okubasinza.

Yoshua 23:7 ပူးပေါင်းရင်းမြစ်များ

2 Bakyabazinga 17:12

baasinzanga ebitali Katonda, Musengwa Katonda bye yabakoba ati: “Mutabisinzanga!”

2 Bakyabazinga 5:18

Aye nsaba Musengwa Katonda ansonighenga nze omugheereza wo, bwe naagherekerangaku musengwa wange kyabazinga wa Siria, okuja okusinziza mu isabo lya Rimmoni omusambwa gwa Siria. Bwe nnaakubanga amakiryaivu mu isabo lya Rimmoni, Musengwa Katonda ansonighenga mu ekyo.”

2 Ebyomubyanda 7:19

Aye bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

Zabbuli 16:4

Abo abagwidhubanira emisambwa, beereetaku beene ebizibu kamaala. Nze tija kubeeyimbaku nga baghaayo emisengo gyaibwe, era tija kusinza misambwa gyaibwe.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 23:13

“Mukuume ebiragiro ebyo byonabyona mulobe kubisobya. Mwerabirire irala emisambwa gyonagyona, era mutaganhanga maina gaagyo na kubabita mu kanwa.

Okuvaayo 23:33

Otalekanga bantu abo ni baba mu nsi yaimwe, kuba baghanga okubaleetera okwonoona ye ndi. Kuba bw'onaasinzanga emisambwa gyaibwe, onaabanga ng'okagwireku.”

Ensambo 4:14

Otajiiranga ku bakozi ba bibi, era otakolanga bye bakola.

Yeremia 12:16

Ate bwebalyega empisa dh'abantu bange n'omwoyo omulala, ni balayiranga mu liina lyange bati, ‘Nga Musengwa Katonda bw'ali omulamu,’ nga bwe baayegeresa abantu bange okulayiranga omusambwa Baali, olwo boona baliba bantu bange, n'ebintu biribajiiranga bukalamu.

Yeremia 5:7

Musengwa Katonda era akoba ati: “Nsobola ntya okubasonigha abantu bange abo, abanvaaku ni balayira ebintu ebisinzibwa ebitali Katonda? Nabagha buli kye beetaaga, aye baaja baafuuka abatali beesigwa, era beesololezanga mu ndhu dha bamalaaya.

Hosea 2:17

kuba tirimuganha kwiramu kabiri kwatula liina eryo.

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Okubala 32:38

Nebo, ni Baali Meoni, nga baakyusiisa amaina gaabyo baabigha agandi. Era bairamu okuzimba obuyaaka n'ekibuga Sibuma.

Okubala 33:55

Aye bwe mutalisooka kubingamu batyamye be munaayagaanangamu, olwo abo be mulireka okusigalamu baja kubafuukira ng'oti n'ekintu ekikusonka mu liiso era ng'oti n'amawa agakufumita mu mbavu. Baja kubaleetera ebizibu kamaala mu nsi eyo ye mulibaamu.

1 Ab'e Korintho 15:33

Batabasubaghanga: “Emikwano emibi gyonoona empisa enkalamu.”

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

Amateeka Agokubiri 10:20

Mutyenga Musengwa Katonda waimwe, era yenka ye mube musinzenga. Mubenga beesigwa y'ali, era eriina lye lyonka, lye mube mulayirenga.

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

Amateeka Agokubiri 6:14

Mutasinzanga waire omulala ku bakatonda amaghanga agandi be gasinza.

Yoshua 23:12

“Bwemutaliba beesigwa eri Musengwa Katonda, aye ni musalagho okukolagana n'abantu abo abanaasigalanga mu biketezo bye tuja okunhaga, ni mubayiza baghala baibwe, era boona ni mubaganha babayize baghala baimwe,

Yoshua 23:8

Aye mubenga beesigwa eri Musengwa Katonda nga bwe mubairenga okutuusa ni mpegaano.