Yoshua 23:2 - Baibuli Ekibono kya Katonda 2014

² Kale Yoshua oyo yaayeta, abakulu ab'ebika, abakulu ab'ebikunsu eby'endhawulo, abalamuzi, n'abakulembeze mu Isiraeli, n'Abaisiraeli abandi yaabakoba ati: “Buti nkairiighe n'emyaka gimpoireku.

Yoshua 23:2 ပူးပေါင်းရင်းမြစ်များ

1 Bakyabazinga 1:1

Mu kiseera ekyo kyabazinga Daudi yali ng'akairiighe inho, era nga waire bamubwika ebyebwiko ebigheraku, nga tasuugha.

1 Bakyabazinga 8:1

Agho kyabazinga Solomoni yaayeta abakulembeze boonaboona ab'omu Isiraeli, abakulu b'ebika n'abakulu b'enda dh'abantu, okwidha y'ali e Yerusalemu, baje batoole Esanduuku ey'Endagaano ya Musengwa Katonda mu kyetebwa Ekibuga kya Daudi, ekyo nga ni Sioni.

1 Ebyomubyanda 23:2

Agho kyabazinga Daudi yaayeta abakulembeze boonaboona mu Isiraeli, ni bakabona, n'abalevi, beesoloza.

1 Ebyomubyanda 27:27

Shimei ow'e Rama yaakuliranga amasamba g'emizabbibu ate Zabadi ow'e Shifamu yaalabiriranga emizabbibu gye baanoganga mu masamba, okugita mu bikunhiro by'omwenge.

1 Ebyomubyanda 28:1

Kyabazinga Daudi yaalagira abakungu boonaboona mu Isiraeli okwesoloza. Kale bano beesololeza e Yerusalemu: abakulu b'ebika, n'abakulira ebikunsu ebyagheerezanga kyabazinga, n'abaduumizi b'abaisirukale olukumi olukumi n'ekikumi ekikumi, n'abaalabiriranga ebintu n'ebyayo bya kyabazinga ni batabane be, ghalala n'abakungu b'omu kisaagaati kya kyabazinga, era n'abaisirukale boonaboona ab'amaani.

Amateeka Agokubiri 31:28

Munsololeze abakulu boonaboona ab'ebika byaimwe n'abakulembeze baimwe, nsobole okubakobera ebibono bino nga bawulira, era ndayire eigulu n'ensi bibe abadhulizi bange ababalumiriza.

Yoshua 13:1

Agho Yoshua bweyali ng'akairiighe inho, Musengwa Katonda yaamukoba ati: “Okairiighe inho aye ghakaaligho ekiketezo kinene ekiri n'okunhagibwa:

Yoshua 23:3

Muboine byonabyona Musengwa Katonda waimwe bye yakola amaghanga ag'endhawulo ku lwaimwe kuba Musengwa Katonda oyo n'abaire abalwaniranga entalo dhaimwe.

Yoshua 24:1

Agho Yoshua yaayeta ebika eby'Abaisiraeli byonabyona byesololeza e Shekemu. Yaaja ng'ayeta abakulu ab'ebika, abakulu ab'ebikunsu, n'abakulembeze mu Isiraeli, baidha baayemerera aghali Esanduuku ey'Endagaano ya Musengwa Katonda.

1 Samueli 12:2

Mperaano wuuyo aidha kubakulemberanga. Nze ndi mukaire ow'envu, era mubona batabane bange abali n'imwe. Nze mbakulembeire okuva nga ndi mwisuka okutuusa ni ye buli eno.