Yoshua 23:16 - Baibuli Ekibono kya Katonda 2014

¹⁶ Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

Yoshua 23:16 ပူးပေါင်းရင်းမြစ်များ

1 Bakyabazinga 14:15

N'okuva ku olwo, Musengwa Katonda aja kubonereza ensi Isiraeli edhugumire ng'oti n'olugada bwe lutengeeta mu maadhi. Era aja kutoola Abaisiraeli mu nsi eno enungi ye yagha badhaadha baibwe, abasansaanize eyo ng'osomoike omwiga Eufurate, kuba baamusungughaza nga beekolera ebifaananie by'omusambwa omukazi, Ashera.

1 Bakyabazinga 9:6

Aye iwe oba baidhukulu bo, bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

1 Bakyabazinga 9:7

olwo nditoola Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu. Isiraeli erifuuka eky'okwogeraku era yaafuuka enseko dh'abalamu mu maghanga goonagoona.

2 Bakyabazinga 17:7

Ebyo byabaagho, kuba Abaisiraeli baakola ebibi eri Musengwa Katonda waibwe, eyabatoola mu nsi Misiri mu mikono gya kyabazinga waayo. Abaisiraeli abo baasinzanga emisambwa,

2 Bakyabazinga 24:20

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Okubala 33:56

Bwe mutalibabingamu, olwo kye nalowooza okukola beene ndikikola imwe.”

Amateeka Agokubiri 17:3

Yaaja yaakubira amakiryaivu ebintu Musengwa Katonda bye yalobera okusinza, bino: bakatonda, oba endhuba, oba omwezi, oba edhindi ku muunienie.

Amateeka Agokubiri 28:15

Musa yaakoba Abaisiraeli ati: “Aye bwe munaalobanga okuwulira Musengwa Katonda waimwe, n'okugema amateeka ge n'ebiragiro bye n'obwegendereza, ebikolimo bino byonabyona biidha kubaidhiranga era bibabeeku:

Amateeka Agokubiri 6:15

Bwe mulisinza bakatonda abandi, obusungu bwa Musengwa Katonda bulibatumbukiraku ng'oti muliro bwabasaaniagho, kuba Musengwa Katonda waimwe oyo aba mu imwe, enkikidi emugema ku lw'abantu be.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.

1 Samueli 12:25

Aye bwe muneeyongera okukola ebibi, mwidha kuzikirira era ni kyabazinga waimwe.”