Yoshua 23:14 - Baibuli Ekibono kya Katonda 2014

¹⁴ “Buti ndi mu lugendo, ndi kuja e magombe nga badhaadha boonaboona bwe baaja. Mwenamwena mwidhi bukalamu mu myoyo gyaimwe ng'ebirungi byonabyona Musengwa Katonda waimwe bye yabasuubiza, ghazira ky'ataatuukiriza. Byonabyona yabikola era ghazira kyamulema.

Yoshua 23:14 ပူးပေါင်းရင်းမြစ်များ

Amainhama 47:29

Isiraeli bweyali ng'anaatera okufa, yaayeta omwana we Yosefu, yaamukoba ati: “Ngemerwa ekivunika, oleete omukono gwo okakase by'oja okulayira: layira oti tolinziika mu Misiri.

1 Bakyabazinga 2:2

“Ekiseera kyange eky'okufa ng'abantu boonaboona bwe bali n'okufa, kiri kumpi okutuuka. Kale oba nga wa maani era ogumanga kisaadha.

1 Bakyabazinga 8:56

“Musengwa Katonda asaakibwe, oyo aghaire abantu be Abaisiraeli emiraala nga bwe yasuubiza. Ghaziragho waire ekintu ekirala kiti ky'atatuukiriiza, ku birungi bye yasuubiza ng'abita mu Musa omugheereza we.

Yobu 30:23

Bwenebwene ndidhi nti oli kuntwala magombe, mu kifo erija abalamu boonaboona.

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Omulangirizi 12:5

Ng'otya okuba mu bifo ebyeruupye ghaigulu, era ng'otya n'okutambula mu ngira wenka. Olwo nga n'enviiri dhifuuse ndheru, ng'okwetuka bukwetuke ng'oti isisi, era nga tokaali na kye weegomba. Ng'otuusiiza okuja mu kiwuumulo kyo eky'olubeerera, era nga n'abalizi bali kwesomba mu nguudo.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Ezekieli 20:28

Bwe nabatuusa mu nsi nze mwene ye neerayirira okubagha, ng'olwo buli ghe baabonanga akasozi akagulumivu oba omuti ogw'amakaba amangi amazibirivu, ng'agho bagheeragho emisengo gyaibwe. Ebigheebwayo byaibwe bye baagheeranga mu bifo ebyo, n'obuwoowo bwe baaniokezangayo, era n'ebigheebwayo eby'okunhwa bye baafukangayo, byansungughazanga busungughaze.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Luka 21:33

Eigulu n'ensi bija kuwaagho, aye ebibono byange tibija kuwaagho.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.