Yoshua 23:13 - Baibuli Ekibono kya Katonda 2014

¹³ olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

Yoshua 23:13 ပူးပေါင်းရင်းမြစ်များ

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 25:21

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

2 Bakyabazinga 25:26

Agho abantu boonaboona, abakulu n'abato, nga kw'otaire n'abakulu mu magye bale, baasituka baalumukira e Misiri, nga bali kutya Abababilonia.

Zabbuli 69:22

Kale ni embaga dhaibwe dhe balya ka dhibafuukire ng'oti lutuula olubagemya; ebibinuko byaibwe eby'emisengo gye baaghaayo, ka bibaviiremu okugwa.

Okuvaayo 10:7

Abakungu baakoba kyabazinga bati: “Ono omusaadha aja kulekera li okutweraliikiriza? Leka abasaadha Abaisiraeli baje, basinze Musengwa Katonda waibwe. Tobona nga Misiri eri kufafaagana?”

Okuvaayo 23:33

Otalekanga bantu abo ni baba mu nsi yaimwe, kuba baghanga okubaleetera okwonoona ye ndi. Kuba bw'onaasinzanga emisambwa gyaibwe, onaabanga ng'okagwireku.”

Okuvaayo 34:12

Mwegendereze mubone nga timukola ndagaano n'abantu be mulyagaana mu nsi ye muli kujaamu, kuba ekyo kisobola okubaleetera okwonoona.

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Ezekieli 28:24

Musengwa Katonda era yaakoba ati: “Ku maghanga goonagoona ageezungulwire ensi Isiraeli agaaginhoomanga, tighalibaagho waire eirala liti eririgifuukira olukandwa okugikwadula oba okugifuukira eiwa okugifumita. Olwo balimanha nga ninze Musengwa Katonda.”

Okubala 33:55

Aye bwe mutalisooka kubingamu batyamye be munaayagaanangamu, olwo abo be mulireka okusigalamu baja kubafuukira ng'oti n'ekintu ekikusonka mu liiso era ng'oti n'amawa agakufumita mu mbavu. Baja kubaleetera ebizibu kamaala mu nsi eyo ye mulibaamu.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Amateeka Agokubiri 29:28

Musengwa Katonda ng'aidhwire obusungu era ng'ali n'ekiruyi ekibitirivu, yabasiguukulula mu nsi yaibwe, yaabasuula mu nsi eyindi n'okutuusa mpegaano.’ ”

Amateeka Agokubiri 30:18

mbalabula olwaleero nti timuliroba kuzikirira. Timulighangaalira mu nsi ye muli kuja okutwala nga musomoike omwiga Yorudani.

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Amateeka Agokubiri 7:16

Muzikirizenga amaghanga goonagoona Musengwa Katonda waimwe g'anaabatanga mu ngalo, era mutagagemerwanga kivunika. Mutasinzanga bakatonda baago, kuba ekyo kisobola okubafuukira imwe omutego.

2 Timotheo 2:26

Agho baasobola okuwunuka omutego gwa Sitaani ogwabagemya n'abakoza by'ayenda.

Abalamuzi 2:21

Kale okuva n'olwaleero, bwe banaabanga nga bali kumpi okutuuka mu nsi eyo, tiidhanga kubingamu bamaghanga abaabangayo mu kiseera Yoshua ghe yafiira.