Yoshua 23:12 - Baibuli Ekibono kya Katonda 2014

¹² “Bwemutaliba beesigwa eri Musengwa Katonda, aye ni musalagho okukolagana n'abantu abo abanaasigalanga mu biketezo bye tuja okunhaga, ni mubayiza baghala baibwe, era boona ni mubaganha babayize baghala baimwe,

Yoshua 23:12 ပူးပေါင်းရင်းမြစ်များ

Amainhama 2:24

N'olw'ensonga eyo, kyova omusaadha alekanga ise n'inhina, ni yeeyimba ghalala ni mukazi we, ababiri ni baafuuka omuntu omulala.

Amainhama 34:3

Omwoyo gwe gwatwalirizibwa inho Dina oyo mughala wa Yakobo, yaamwenda inho era yaayogera naye n'ekisa.

1 Bakyabazinga 11:2

Solomoni yabayiza abakazi okuva mu maghanga ago, waire nga Musengwa Katonda yali amaze okukoba Abaisiraeli ati: “Mutafumbiraganwanga na bantu abo, kuba bwenebwene baja kubakyusa emyoyo gyaimwe, musinze emisambwa gyaibwe.” Aye Solomoni yaabeesibaku, yaabenda.

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Ezekieli 18:24

“Aye omuntu omutuufu bw'akyuka n'alekera okukola ebituufu, naakola ebibi, era n'akola ebyenhinhalwa byonabyona abantu ababi bye bakola, mulowooza muti aliba mulamu? Busa naire! Ghazira naire ekirala ku bikolwa bye eby'obutuufu bye yakola, kiriidhukirwa. Era alifa olw'obutaba mwesigwa, n'olw'ebibi by'akola.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

Matayo 12:45

Agho ni nga guja guleeta giinaagwo egigusinga n'obubi, nga gingira nga giba omwo era olumaliira obulamu obw'omuntu oyo buba bubi okusinga obwasooka. Kityo bwe kiriba ku bantu ab'oluse luno aboonooni.”

Yoanne 6:66

Okuva ku olwo Abeegeresebwa be kamaala baira einhuma baalekera okutambula naye.

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

Amateeka Agokubiri 6:15

Bwe mulisinza bakatonda abandi, obusungu bwa Musengwa Katonda bulibatumbukiraku ng'oti muliro bwabasaaniagho, kuba Musengwa Katonda waimwe oyo aba mu imwe, enkikidi emugema ku lw'abantu be.

Amateeka Agokubiri 7:3

Mutafumbirwagananga nabo, nga mughaayo baghala baimwe okubayira batabane baibwe, oba okutwala baghala baibwe okubayira batabane baimwe.

Amateeka Agokubiri 7:4

Bwe mulikikola, olwo abantu abo baliba nga baghanga okukyusa abaana baimwe baabatoola ku Musengwa Katonda, baasinza bakatonda abandi. Olwo obusungu bwa Musengwa Katonda bulibatumbukiraku ng'oti muliro, yaabazikiriza mu kaseera buseera.

Yoshua 23:11

Buti ni mufubenga inho okugonza Musengwa Katonda waimwe.

1 Yoanne 2:9

Ole akoba ati ali mu butangaavu aye ng'akyagha muganda we oyo aba akaali mu nzikiiza.

Abalamuzi 14:3

Aye ise n'inhina baamubuuza bati: “Lwaki oyenda okubayiza omukazi mu Bafilisiti abatali bakekete? Toghanga kufuna mukazi mu batuliku luganda, oba mu bantu baife boonaboona?” Aye Samusoni yaakoba ise ati: “Nfunira oyo, kuba ye nsiimye.”

Abalamuzi 3:6

Agho baafumbirwanga abakazi okuva mu bantu abo, era baaghangayo baghala baibwe okufumbirwa mu bantu abo. Era baasinzanga emisambwa egy'abantu abo.