Yoshua 23:10 - Baibuli Ekibono kya Katonda 2014

¹⁰ Omuntu yeenayeena ku imwe, asobola okuleetera abantu olukumi (1,000) okulumukagho. Kuba Musengwa Katonda waimwe n'abalwaniragho entalo dhaimwe, nga bwe yabasuubiza.

Yoshua 23:10 ပူးပေါင်းရင်းမြစ်များ

2 Samueli 23:8

Gano n'amaina ag'abalwani ab'amaani Daudi be yali nabo: Asooka nga ni Yoshebu Basshebethi ow'e Tahakemoni n'eyali ng'akulira abasatu ab'amaani. Ono ghaligho omukuzi gwe yalwanisa eifumo lye n'abalwani olunaana (800), yaabaita boonaboona.

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

1 Ebyomubyanda 5:22

Era baita mu bazigu abo abantu kamaala, kuba Katonda n'eyalwana olutalo olwo. Baaba mu biketezo ebyo nga babyefuze, okutuusa lwe baatwalibwa mu bunhage.

Zabbuli 35:1

Wo Musengwa Katonda, balumbe abo abaanumbagana, balwanise abo abaanwanisa.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Okuvaayo 14:14

Musengwa Katonda aja kubalwanirira, kale imwe musirike busirike.”

Isaia 30:17

Omwisirukale ow'abazigu aliba mulala ati, yaatiisa abantu lukumi (1,000) ku imwe baalumuka. Ate abaisirukale abataanu obutaanu, balibatiisa mwenamwena mwalumuka. Amagye gaimwe galiweekereragho, ghaasigalagho bwa kikondo kya bendera ku ngulu ku lusozi ng'akamanhiso.

Abalevi 26:7

Mwidha kughangulanga abazigu baimwe.

Abalevi 26:8

Abataanu ku imwe baidha kughangulanga ekikumi, n'ekikumi ku imwe baidha kughangulanga omutwalo omulamba. Mu lutalo, abazigu baimwe munaabaitanga mwabamaliriragho.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Amateeka Agokubiri 20:3

Yaabakoba ati, ‘Imwe Abaisiraeli muwulire! Olwaleero muli kuja okulwanisa abazigu baimwe. Mulobenga kuwaamu myoyo, oba okutya, waire okudhugumira. Abazigu baimwe balobe kubamalamu maani.

Amateeka Agokubiri 20:4

Kuba Musengwa Katonda waimwe aidha kuja n'imwe, abalwaniregho era abaleetere okughangula.’

Amateeka Agokubiri 28:7

“Musengwa Katonda aidha kuleeteranga abazigu baimwe abanaabalumbanga, okughangulwa nga mubona. Baidha kwidhiranga mu ngira ndala nga baidha okubalumba, aye baidha kwirirangayo mu ngira kamaala nga bali kughaba okulumuka okuva ghe muli.

Amateeka Agokubiri 3:22

Mutabatyanga naire, kuba Musengwa Katonda waimwe, n'aidhanga okubalwaniragho.’”

Amateeka Agokubiri 32:20

Agho yaakoba ati, ‘Ndidha kubalekulira agho, mbone enkomerero yaibwe bw'enaaba; kuba badankaanu era baziramu kwikiriza.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.

Yoshua 23:11

Buti ni mufubenga inho okugonza Musengwa Katonda waimwe.

Yoshua 23:3

Muboine byonabyona Musengwa Katonda waimwe bye yakola amaghanga ag'endhawulo ku lwaimwe kuba Musengwa Katonda oyo n'abaire abalwaniranga entalo dhaimwe.

Abalamuzi 15:15

Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).

Abalamuzi 3:31

Omukulembeze eyairaku, yali ng'ayetebwa Shamugari, nga mutabane wa Anathi. Yeena yanunula Isiraeli bwe yaita Abafilisiti olukaaga (600) ng'akozesa oluti olusongovu lwe bakozesa okusindiikiriza ente okutambula.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”