Yoshua 22:9 - Baibuli Ekibono kya Katonda 2014

⁹ Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.

Yoshua 22:9 ပူးပေါင်းရင်းမြစ်များ

2 Samueli 2:9

Abuneri yaafuulira eyo Ishiboshethi oyo okuba kyabazinga wa Gileadi, n'ow'Abashuri, n'owa Yezireeli n'owa Efuraimu, n'owa Benjamini, era owa Isiraeli yoonayoona.

1 Ebyomubyanda 5:9

Mu buvandhuba baali mu kiketezo ekyali okuva eirungu ghe liinhamira, okutuukira irala ku mwiga Eufurate kuba ebyayo byaibwe byali nga byeyongeire inho obungi mu kiketezo ky'e Gileadi.

Zabbuli 60:7

Ensi ya Gileadi yange, n'eighanga ery'Abamanasse lyange; ate ery'Abaefuraimu n'enkoofiira yange ey'ekyuma; ery'Abayudaaya lyaba omwigo gwange ogw'obwakyabazinga.

Okubala 32:1

Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Okubala 32:20

Musa yaabairamu ati: “Bwemuba nga mutyo bwe munaakola, kale ni buti mu maiso ga Musengwa Katonda mugeme eby'okulwanisa mwetegeke okuja mu lutalo.

Okubala 32:22

n'okunhaga ensi eyo. Memale mwire nga muzira kibabandhibwa Musengwa Katonda oba Baisiraeli banaimwe. Olwo aja kukakasa ekiketezo kino kibe obutaka bwaimwe.

Okubala 32:26

Bakazi baife, n'abaana baife abato, baidha kusigala ghano mu bibuga eby'e Gileadi, ghalala n'ebyayo byaife.

Okubala 32:29

“Ab'ekika kya Reubeni n'ab'ekya Gadi bwe balyetegeka okulwana, Musengwa Katonda ng'abakulembeiremu, ni basomoka n'imwe Yorudani, memale ni mughangula ekiketezo ekyo eky'e bugwandhuba wa Yorudani, mulibagha ekiketezo eky'e Gileadi ng'obutaka bwaibwe.

Amateeka Agokubiri 3:18

“Agho naabalagira mu biseera ebyo nti, ‘Musengwa Katonda waimwe abaghaire ensi eno ebe yaimwe. Kale ni abalwani baimwe nga bagemye eby'okulwanisa baidha kwesookayo baganda baibwe Abaisiraeli.

Amateeka Agokubiri 3:20

Mubeereku baganda baimwe abo, okutuusa lwe balitwala ekiketezo kyaibwe, Musengwa Katonda ky'ali kubagha e bugwandhuba gh'omwiga Yorudani, era okutuusa boona Musengwa Katonda lw'alibagha okutyama ni batereera ng'oti niimwe. Memale mwaira, kiisi muntu ku butaka bwe, bwe namugha.’

Amateeka Agokubiri 34:1

Agho Musa yaava mu kiketezo eky'oku museetwe e Moabu, yaaniinaniina ku lusozi Nebo, entwiko ya Pisiga, olulingiriire Yeriko. Musengwa Katonda yaamwoleka ekiketezo kyonakyona okuva e Gileadi, okutuuka e Dani,

Yoshua 13:11

Era kyatwalizaamu Gileadi n'ekiketezo eky'Abageshuri, n'eky'Abamaka, n'olusozi Herimoni lwonalwona, ni Bashani yeenayeena okutuuka e Saleka.

Yoshua 13:25

Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.

Yoshua 13:31

Era kyatwalizaamu ekitundu ku Gileadi, era kyatwalizaamu ebibuga bino: Ashitarothi ni Edurei ebibuga bino kyabazinga Ogi owa Bashani mwe yafugiranga. Bino byonabyona byagheebwa edhindi ku nda edha baidhukulu ba Makiri mutabane wa Manasse.

Yoshua 22:10

Ab'ekika eky'Abareubeni, n'eky'Abagadi, n'eky'Abamanasse ab'e buvandhuba bwe baatuuka e Gelilothi, nga bakaali e bugwandhuba wa Yorudani, baazimba alutaari enkologho agho kumpi n'omwiga Yorudani.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.

Abalamuzi 5:17

Ab'ekika kya Gadi baasigala ere ng'osomoike Yorudani. Ab'ekika kya Dani, kiki ekyabasigaza mu maato? Ab'ekika kya Asheri baaba ku bukalu bw'enhandha nga basiriike, beesigalira ku myalo.