Yoshua 22:8 - Baibuli Ekibono kya Katonda 2014

⁸ yabakoba ati: “Muli kwirayo mu maka gaimwe n'obukombe kamaala, n'ente kamaala, ni feeza, ni zaabu, n'ebyuma eby'ekikomo, n'ebyuma ebigumu einho, n'ebivaalo kamaala mugabane ni baganda baimwe ebyo bye mwanhaga ku bazigu baimwe.”

Yoshua 22:8 ပူးပေါင်းရင်းမြစ်များ

1 Ebyomubyanda 5:9

Mu buvandhuba baali mu kiketezo ekyali okuva eirungu ghe liinhamira, okutuukira irala ku mwiga Eufurate kuba ebyayo byaibwe byali nga byeyongeire inho obungi mu kiketezo ky'e Gileadi.

2 Ebyomubyanda 17:5

Kale Musengwa Katonda yaaleetera obwakyabazinga bwa Yehoshafati okukakata, era abantu b'omu Buyudaaya boonaboona baaleeteranga Yehoshafati oyo omusolo, yaakombaghala era yaaba wa kitiibwa inho.

2 Ebyomubyanda 32:27

Hezekia yafuuka mukombe inho era yaaba wa kitiibwa ekitaloodheka. Yaazimba amaterekero ag'okutangamu, feeza, ni zaabu, n'amabaale ag'omughendo, n'obuwoowo, n'engabo, n'ebintu ebindi eby'omughendo.

Zabbuli 68:12

“Bakyabazinga n'amagye gaibwe balumuka era balumuka!” Abakazi abaasigala eka n'abaagabana omunhago

Ensambo 3:16

Amagezi galeetera omuntu okughangaala, gaamuleetera n'okuba omukombe era ow'ekitiisa.

Okubala 31:27

Memale mubigabaniemu ghabiri, ebindi bibe bya balwani beene abaaja mu lutalo, ate ebindi bibe bya bantu abandi boonaboona.

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Abaheburayi 11:26

Yabona nga okuvumwa olwa Kurisito kya mughendo inho okusinga obukombe bw'e Misiri, kuba yalowoozanga ku mpeera ye yali aja okugheebwa.

1 Samueli 30:16

Omwisuka Omumisiri oyo yaatwala Daudi eri abanhazi abo. Baabaagaana nga basansaaniire agho woonawoona, nga bali kulya, bali kunhwa, era nga bali kukina. Baali mu kusagamba olw'omunhago omungi gwe baatoola mu nsi Bufilisiti ni Buyudaaya.

1 Samueli 30:24

Ghazira muntu aidha kuwulirisa kye muli kukoba. Ole eyasigala einhuma okukuuma ebintu, n'ole eyaja mu lutalo, bateekwa okufuna omugabo n'omulala. Boonaboona baidha kwagayaza nga bagabana.”