Yoshua 22:6 - Baibuli Ekibono kya Katonda 2014

⁶ Kale Yoshua yaabasabira enkabi yaabasiibula, era baaja ewaibwe mu maka gaibwe.

Yoshua 22:6 ပူးပေါင်းရင်းမြစ်များ

Amainhama 14:19

Yaamusabira enkabi ati: “Katonda oyo Ali Ghaigulu Yeene aghenga Aburamu enkabi, oyo Katonda eyakola eigulu n'ensi!

Amainhama 47:10

Yakobo kabiri yaayendeza kyabazinga enkabi, yaavaagho.

Amainhama 47:7

Agho Yosefu yaaleeta Yakobo ise, yaamwandhula eri kyabazinga. Yakobo yayendeza kyabazinga enkabi.

2 Samueli 6:18

Bwe yamala okughaayo ebigheebwayo ebyo, yaasabira abantu enkabi mu liina lya Musengwa Katonda Afuga Amagye.

2 Samueli 6:19

Yaagabula abantu olukunkumuli mu Isiraeli: buli muntu, k'abe musaadha oba mukazi, yaamugha omugaati, n'ekinofu ky'emamba, n'ekitole eky'ebibala eby'emizabbibu ebikaze. Agho abantu baagolola, buli muntu ewuwe.

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

1 Bakyabazinga 8:66

Ku lunaku olwomunaana, kyabazinga yaasiibula abantu okwirayo ewaibwe. Abantu baamusabira enkabi, bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi omugheereza we, n'abantu be Abaisiraeli.

2 Ebyomubyanda 30:18

Era mu bantu abaali kamaala batyo, mwalimu bangi ku baava mu bika, ekya Efuraimu, n'ekya Manasse, n'ekya Issakari, n'ekya Zebuluni, abaali nga tibeetukwiza. Olwo baaba nga bali kukuza Ekibinuko eky'Okwidhukiriraku Okubitizibwa mu nsambo etali ntuufu. Aye Hezekia yali amaze okubasabira ng'akoba ati: “Musengwa Katonda omulungi asonighe buli muntu,

Okuvaayo 39:43

Musa yaakebera byonabyona bye baakola, yaabona nga bwenebwene baabikola nga Musengwa Katonda bweyalagira. Musa yaabasabira enkabi.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Luka 24:50

Yesu yaabakulemberamu baafuluma, baatambula okuja e Bethania. Agho yaagolola amakono ge yaabagha omukisa.

Yoshua 14:13

Agho Yoshua yaasabira Kalebu enkabi era yaamugha ekibuga Heburoni ng'omugabo gwe.

Yoshua 24:28

Agho Yoshua yaasiibula abantu era buli muntu yairayo mu kiketezo kye.

1 Samueli 10:25

Samueli yainhonhola abantu ebyo kyabazinga by'ali n'okukolera abantu, n'ebyo abantu beene bye bali n'okukolera kyabazinga oyo. Ebintu ebyo yaabighandiika mu kitabo, yaabita mu maiso ga Musengwa Katonda. Agho Samueli yaasiibula abantu boonaboona, buli muntu yairayo ewaibwe.

1 Samueli 13:2

Saulo yalonda mu Baisiraeli abasaadha enkumi isatu (3,000). Ku abo yaatoolaku enkumi ibiri (2,000) baabanga ghalala naye e Mikamashi ni mu kiketezo eky'oku nsozi eky'e Betheli. Ate olukumi (1,000) baabanga ghalala ni Yonathani e Gibea mu kiketezo kya Benjamini. Abantu abandi boonaboona yaabasiibula, bairayo ewaibwe.

1 Samueli 2:20

Eli yaasabiranga Elukana ni mukazi we ng'akoba ati: “Musengwa Katonda akughe abaana abandi olw'oyo ye waghaayo ye Musengwa Katonda.” Bwe baamalanga nga bairayo ewaibwe.