Yoshua 22:34 - Baibuli Ekibono kya Katonda 2014

³⁴ Abareubeni n'Abagadi baatuuma alutaari eriina “Budhulizi” nga bakoba bati alutaari eyo n'obudhulizi ye bali boonaboona, nga baikiriza nga Musengwa Katonda ni Katonda.

Yoshua 22:34 ပူးပေါင်းရင်းမြစ်များ

Amainhama 31:47

Labani yaagituuma eriina Yegari Sahadutha, aye Yakobo yaagituuma Galeedi.

Amainhama 31:48

Labani yaakoba ati: “Entuumo eno, n'obukakafu ghagati wo ninze olwaleero.” Kyeyava n'etuumibwa eriina Galeedi,

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

Isaia 19:19

Olunaku olwo bwe lulituuka, mu nsi Misiri balizimbamu alutaari yaaba ya Musengwa Katonda, ni ku nsalosalo y'ensi eyo balimuzimbirayo empango ey'amabaale.

Isaia 43:10

Imwe Abaisiraeli niimwe abadhulizi bange era niimwe abagheereza bange be nalondamu, musobole okuumanha era mundhikirize. Olwo mukitegeere nga ninze Katonda zenka. Tebangayooku katonda yansooka kubaagho, era tighalibaagho alindhiririra naire.

Matayo 4:10

Agho Yesu yaamukoba ati: “Sitaani ja ere! Kuba kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Yoshua 22:27

aye ebe ng'akamanhiso okwoleka abantu baife n'abantu baimwe, n'okwoleka ense edhiritwiririra, nga bwenebwene bwe tusinza Musengwa Katonda era nga bwe tuja mu maiso ga Weema ye entukuvu okumugheereza ebigheebwayo ebyokebwa, n'emisengo, era n'okughaayo ebigheebwayo olw'okutabagana. Ekyo kyaligho olw'okulobera baidhukulu baimwe okukoba abaife bati ebya Musengwa Katonda ghazira ghe bibagemeraku.

Yoshua 24:27

Yaakoba abantu boonaboona ati: “Eibaale lino liidha kubanga mudhulizi, kuba liwuliire ebibono byonabyona Musengwa Katonda by'atukobye. Kale liidha kubanga mudhulizi abalumiriza okubalobera okudheemera Katonda waimwe.”