Yoshua 22:25 - Baibuli Ekibono kya Katonda 2014

²⁵ Yataagho Yorudani ng'ensalosalo ghagati ghaife n'imwe Abareubeni n'Abagadi ebya Musengwa Katonda waife ghazira ghe bibagemeraku.’ Olwo baidhukulu baimwe baaba nga balobera baidhukulu baife okusinza Musengwa Katonda.

Yoshua 22:25 ပူးပေါင်းရင်းမြစ်များ

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 15:30

Ebyo byaligho olw'ebibi Yeroboamu bye yakola, n'aleetera Isiraeli okwonoona, era n'asungughaza Musengwa Katonda, Katonda wa Isiraeli.

Nehemia 2:20

Naabairamu nti: “Katonda ow'eigulu, aidha kutugha obughanguzi. Kale ni ife abagheereza be twidha kusitukiramu tuzimbe. Aye imwe mu Yerusalemu muno, muziramu mugabo gwaimwe, oba okubaamu n'ekintu ekyaimwe, waire ekiidhukizo obwidhukizo.”

Zabbuli 16:5

Musengwa Katonda n'ekirungi kyonka kye ndi nakyo, oyo n'ekikopo ekyantegekerwa okunhwa, era obulamu bwange buli mu ngalo dhe.

Ebikolwa by'Abatume 8:21

Tosobola kwetaba waire okugabana ku kino, kuba omwoyo gwo tiimutuufu mu maiso ga Katonda.

Yoshua 22:24

Aye ekyo twakikola lwa kutya tuti tomanha ye bwidha eyo baidhukulu baimwe bwe baboola baidhukulu baife nga babakoba bati, ‘Imwe mwidhi ki ku Musengwa Katonda, Katonda wa Isiraeli?

Yoshua 22:26

Tuzimba alutaari ti lwa kwokerangaku misengo oba okugheerangaku ebigheebwayo,

Yoshua 22:27

aye ebe ng'akamanhiso okwoleka abantu baife n'abantu baimwe, n'okwoleka ense edhiritwiririra, nga bwenebwene bwe tusinza Musengwa Katonda era nga bwe tuja mu maiso ga Weema ye entukuvu okumugheereza ebigheebwayo ebyokebwa, n'emisengo, era n'okughaayo ebigheebwayo olw'okutabagana. Ekyo kyaligho olw'okulobera baidhukulu baimwe okukoba abaife bati ebya Musengwa Katonda ghazira ghe bibagemeraku.

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!